Республикала Зәйнәб Биишева исемендәге әҙәби премиялар тапшырылды

IMPORT Сервисный

ӨФӨ, 2017 йыл, 9 февраль. /«Башинформ» мәғлүмәт агентлығы, Ләйлә Аралбаева/. Күгәрсен районының Туйымбәт ауылында Зәйнәб Биишева исемендәге әҙәби премияны тапшырыу тантанаһы булды. Ошо хаҡта Башҡортостан Мәҙәниәт министрлығының матбуғат хеҙмәте хәбәр итә.

Быйыл уға тыуған яҡты өйрәнеү эшмәкәрлегенә, Зәйнәб Биишеваның ижадын популярлаштырыуға ҙур өлөш индергән өсөн Йомағужа ауылы моделле китапханаһының баш китапханасыһы, «Йомағужа. Эштәрҙә һәм яҙмыштарҙа — тарих», «Таланттар ере» китаптары авторы Зәйтүнә Әбдрәшитова, Зәйнәб Биишеваның тормошо һәм эшмәкәрлеге хаҡында публицистик сығыштар өсөн Мораҡ башҡорт гимназияһының башҡорт теле һәм әҙәбиәте уҡытыусыһы, 10 методик ҡулланма һәм ғилми мәҡәләләр авторы Зилә Псәнчина, Зәйнәб Биишеваның исемен һәм ижадын пропагандалаған һәм популярлаштырған, халыҡ яҙыусыһының исемен мәңгеләштереүгә ҙур өлөш индергән өсөн Башҡортостан Мәғарифты үҫтереү институтының башҡорт һәм башҡа туған телдәр һәм әҙәбиәттәр кафедраһы мөдире, күп һанлы уҡыу-методик комплекттар һәм ҡулланмалар авторы Зәкиә Ғәбитова лайыҡ булды.

Район премияһын тапшырыу тантанаһында З.Биишева исемендәге премия лауреаты Ләлә Биишева, Матбуғат һәм киң мәғлүмәт саралары агентлығы етәксеһе Борис Мелкоедов, З.Биишева исемендәге Башҡортостан «Китап» нәшриәте директоры Илһам Йәндәүләтов һәм башҡа абруйлы ҡунаҡтар ҡатнашты.

Яҙыусының бюсына сәскә һалғандан һуң улар Зәйнәб Биишеваның йорт-музейын ҡараны.

Зәйнәб Биишева — Башҡортостандың халыҡ яҙыусыһы, прозаик, шағирә, драматург, тәржемәсе, Салауат Юлаев исемендәге республика дәүләт премияһы лауреаты.

#премиялар #бүләкләүҙәр #әҙәбиәт #зәйнәб биишева

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.