Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Мәҙәниәт
6 Февраль 2017, 16:53

Мәскәүҙә башҡорт режиссеры һәм фотографы Гөлназ Ғәлимуллинаның тәүге күргәҙмәһе асылды

ӨФӨ, 2017 йыл, 6 февраль. /«Башинформ» мәғлүмәт агентлығы, Ләйлә Аралбаева/. Мәскәүҙә режиссер һәм фотограф Гөлназ Ғәлимуллинаның тәүге шәхси күргәҙмәһе асылды. «Мәҙәниәттәр диалогы» үҙәгендә күргәҙмәне асыуҙа Башҡортостанда тыуып үҫкән йәш Мәскәү артистары: альтта уйнаусы Камилә Биҡҡолова, «Заман» этно-проекты, «Алтын ай» һәм «Шоңҡар» ансамблдәре сығыш яһаны.
Гөлназ Ғәлимуллина — Беренсе канал режиссеры, унан алдараҡ Башҡортостан юлдаш телеканалында хәбәрсе һәм режиссер булып эшләй. Күп йыллыҡ стажлы, «ТЭФИ-Төбәк» һәм «New York Film Festival» наградаларына эйә режиссер ике йыл элек фотография менән мауыға башлай. Беренсе фотокүргәҙмәһе кеше тәбиғәтенең үҙенсәлектәрен тикшереү концепцияһына нигеҙләнгән. Күргәҙмә авторы хәҙерге селфиҙы үҙе күргән картина менән сағыштырырға тырыша.
«Кешеләр социаль селтәрҙә үҙҙәрен нисек күрһәтә һәм камера алдында үҙҙәрен нисек тота. Тап ошо фотокүргәҙмәнең концепцияһы булды ла инде. Һәр ҡунаҡҡа үҙенә оҡшаған эштәргә тауыш бирһен өсөн ҡағыҙ «лайк»тар таратылды, — тине Гөлназ Ғәлимуллина. — Һығымта шундай: кешеләр ғазап-әрнеүҙе түгел, гүзәллекте, наҙлылыҡты, нәфислекте күрергә теләй».
Күргәҙмә ай буйына эшләй.
Читайте нас: