Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-4 °C
Ҡар
Бөтә яңылыҡтар
Мәҙәниәт
1 Февраль 2017, 17:25

Башҡортостан театрҙарҙың ижади эшмәкәрлегенә ярҙам итеү өсөн 35 миллион һум самаһы аҡса аласаҡ

«Башинформ» мәғлүмәт агентлығы
«Башинформ» мәғлүмәт агентлығы
ӨФӨ, 2017 йыл, 1 февраль. /«Башинформ» мәғлүмәт агентлығы, Эльмира Сабирова/. Башҡортостан театрҙарҙың ижади эшмәкәрлегенә ярҙам итеү өсөн 34,8 миллион һумдан ашыу аҡса аласаҡ. Тейешле ҡарарға Рәсәй Хөкүмәте Премьер-министры Дмитрий Медведев ҡул ҡуйған.
Быйыл илдең 56 төбәге муниципаль театрҙарҙың ижади эшмәкәрлегенә ярҙам итеүгә 670 миллион һум субсидия аласаҡ, тип хәбәр ителә Рәсәй Хөкүмәтенең рәсми сайтында.
Аҡса төбәктәрҙең 300 меңгә тиклем кеше йәшәгән ҡалаларҙа муниципаль театрҙарҙың ижади эшмәкәрлегенә булышлыҡ итеүгә һәм матди-техник базаһын нығытыуға бәйле сығым йөкләмәләрен берлектә финанслау өсөн тәғәйенләнгән, тиелә белдереүҙә.
Ҡабул ителгән ҡарар мәҙәниәт һәм сәнғәт өлкәһендә дәүләт ярҙамын күрһәтеү системаһын камиллаштырыу һәм төбәктәрҙең муниципаль мәҙәниәт учреждениеларына ярҙам күрһәтеү программаларын тормошҡа ашырыу өсөн өҫтәмә шарттар булдырырға мөмкинлек бирәсәк.
Субсидиялар 2013-2020 йылдарға иҫәпләнгән «Мәҙәниәтте һәм туризмды үҫтереү» дәүләт программаһы сиктәрендә бүленә.
Читайте нас: