Башҡортостан һәм Өфө яңылыҡтары
70.52
+0.92
76.3
+0.52
85.47
+0.01
-7 °C
Болотло
Бөтә яңылыҡтар
Мәҙәниәт
31 Ғинуар 2017, 17:46

Ғашиҡтар көнө алдынан Өфөлә «Филармонияға — һөйөү менән!» конкурсы иғлан ителгән

Андрей Старостин
Андрей Старостин
ӨФӨ, 2017 йыл, 31 ғинуар. /«Башинформ» мәғлүмәт агентлығы, Ләйлә Аралбаева/. Башҡорт дәүләт филармонияһы «Филармонияға — һөйөү менән!» тип аталған конкурс ойоштора. Ул 1 февралдән 12-нә тиклем дауам итә. Ҡатнашыусылар үҙҙәренең мөхәббәт тарихын шиғыр, проза, йыр, видеомөрәжәғәт рәүешендә яҙып, Facebook, «Бәйләнештә», «Класташтар» социаль селтәрҙәрендәге филармония төркөмөнә йәки [email protected]электрон почтаһына ебәрергә тейеш.
Иң күп «лайктар» йыйған һәм компетентлы жюри һайлап алған кеше еңеүсе тип иғлан ителә. Конкурстың лидеры танылған музыкант, скрипкасы Марат Саҙрыевтың концертында абруйлы ҡунаҡ буласаҡ һәм уның ҡулынан иҫтәлекле бүләк аласаҡ. Концерт 13 февралдә уҙа, киске сәғәт 7-лә башлана.
«Беҙҙең эстрадалағы иң романтик музыканттың концертына һөйгәндәре менән килгәндәрҙе үҙенсәлекле бүләктәр көтә. Мәҙәни сараларға яңғыҙ йөрөргә яратыусылар ҙа иғтибарҙан ситтә ҡалмаҫ», — тип билдәләнеләр филармонияның матбуғат хеҙмәтендә.
Читайте нас в