Милли Йәштәр театрындағы спектакль һәләкәткә осраған Ту-154 самолеты ҡорбандарына бағышлана

ӨФӨ, 2017 йыл, 24 ғинуар. /«Башинформ» мәғлүмәт агентлығы, Ләйлә Аралбаева/. М.Кәрим исемендәге Милли йәштәр театры «Йәләлетдин олатай» спектаклен Ту-154 самолеты ҡолауы һөҙөмтәһендә һәләк булғандар иҫтәлегенә арнай. 7 февралдә башҡорт труппаһы Мостай Кәримдең хикәйәһе буйынса ике шаршаулы спектакль тәҡдим итә.

Театр фойеһында артистар тематик шиғырҙар һөйләйәсәк. Спектакль башланыр алдынан режиссер Илнур Муллабаевтың тамашасыларға мөрәжәғәтенән һуң бер минутлыҡ тынлыҡ иғлан ителәсәк.

«Билеттарҙың бер өлөшө халыҡтың социаль яҡтан яҡланмаған ҡатламдарына: етем балаларға, инвалидтарға, ветерандарға, пенсионерҙарға таратыла. Спектаклде авиаһәләкәттәрҙә туғандарын юғалтҡан өфөләр, шул иҫәптән 2002 йылдың июлендә Боден күле өҫтөндәге фажиғә ҡорбандарының туғандары ла ҡарай ала», — тип хәбәр иттеләр театрҙың әҙәби бүлегендә.

«Йәләлетдин олатай» спектакле Бөйөк Ватан һуғышынан һуң етем ҡалған малайҙар хаҡында бәйән итә. 1946 йылдағы ваҡиғалар әлеге ваҡытта балалар йорттарында тәрбиәләнеүселәрҙең хаттары менән аралашып бара. Мостай Кәримдең хикәйәһе ысын хәл-ваҡиғаларға нигеҙләнеп яҙылған.

Теги:хәтер милли йәштәр театры

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».