Башҡортостан һәм Өфө яңылыҡтары
70.52
+0.92
76.3
+0.52
85.47
+0.01
-8 °C
Болотло
Бөтә яңылыҡтар
Мәҙәниәт
18 Ғинуар 2017, 09:59

Мәскәүҙең Юғары театр училищеһы Башҡортостандың һәләтле йәштәрен йыя

ӨФӨ, 2017 йыл, 18 ғинуар./«Башинформ» мәғлүмәт агентлығы, Ләйлә Аралбаева/. Рәсәйҙең Кесе дәүләт академия театры ҡарамағындағы Мәскәүҙең М.С.Щепкин исемендәге Юғары театр училищеһы (институты) Башҡортостандың һәләтле йәштәрен йыя. Башҡортостан Мәҙәниәт министрлығынан хәбәр итеүҙәренсә, был маҡсатлы курс буласаҡ, тимәк, республика вәкилдәре бөтөнләй бушлай уҡый ала.
15 февралгә тиклем теләүселәр 2017-2018 уҡыу йылдарында «Актёрлыҡ сәнғәте» программаһы буйынса «Драма театры һәм кино артисы» һөнәренә уҡыуға документтар тапшыра ала. Унда көндөҙгө бүлектә дүрт йыл дауамында уҡыйҙар.
14 маҡсатлы буш урындан тыш, абитуриенттар Д.Г.Кознов курсындағы тағы ла 4 түләүле урынға дәғүә итә ала. Урта (тулы) дөйөм, урта һөнәри йәки юғары белемле, башҡорт һәм рус телдәрен белгән Рәсәй граждандары ҡабул ителә.
Өфөлә М.С.Щепкин исемендәге Юғары театр училищеһы, Башҡортостан Мәҙәниәт министрлығы һәм республиканың театр ойошмалары вәкилдәре ҡатнашлығындағы комиссия һайлап алыу конкурсы уҙғара. Уны үткән абитуриенттарға ҡабул итеү имтихандарында ҡатнашырға рөхсәт ителә, тип хәбәр иттеләр ведомствоның матбуғат хеҙмәтендә.
Тулыраҡ мәғлүмәт менән Башҡортостан Мәҙәниәт министрлығының Мәғариф буйынса республика уҡытыу-методика үҙәге сайтының «Маҡсатлы белем алыу» бүлегендә һәм 235-78-16, 233-59-00 телефондары буйынса танышырға мөмкин.
Автор:Ләйлә Аралбаева
Читайте нас в