Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Мәҙәниәт
29 Декабрь 2016, 14:17

Өфөлә Башҡортостан Башлығы грантына «Батша кәләше» операһы һәм «Алһыу сәскә» балеты ҡуйыласаҡ

Олег Яровиков
Олег Яровиков
Өфө, 2016 йыл, 29 декабрь. /«Башинформ» мәғлүмәт агентлығы, Ләйлә Аралбаева/. 2017 йылда Өфөлә Римский-Корсаковтың «Батша кәләше» операһы һәм Владимир Купцовтың «Алһыу сәскә» балеты ҡуйыласаҡ. Ике спектакль дә республика Башлығы грантына тормошҡа ашырыласаҡ. Башҡорт опера һәм балет театры директоры Илмар Әлмөхәмәтов хәбәр итеүенсә, «Рус дуэты – опера һәм балет» проекты 13,5 миллион һумлыҡ грантҡа лайыҡ булды.
«Батша кәләше» операһын ҡуйырға, өфөләргә «Орлеан ҡыҙы» постановкаһы буйынса таныш булған, режиссер Филипп Разенковҡа ышанып тапшыралар. Спектакль рәссамы Владислав Анисенков буласаҡ. Элекке йылдарҙа опера Өфө театры сәхнәһендә ҡуйыла. Әлеге постановканың премьераһы 2017 йылдың ноябренә планлаштырылған.
«Алһыу сәскә» балетының премьераһы ғәҙәттәгесә сентябрҙә уҙасаҡ Халыҡ-ара Аксаков байрамына арналасаҡ. Балет музыкаһы авторы – Мәскәү композиторы, Рәсәй композиторҙар союзы ағзаһы Владимир Купцов. Ул Бөрөлө тыуған, Өфөлә үҫкән – Н.Сабитов исемендәге 1-се балалар музыка мәктәбен һәм Өфө сәнғәт училищеһын тамамлаған. Өфө сәнғәт институтында композиторҙар бүлегендә профессор Евгений Земцовтың класында уҡый, һуңынан Мәскәүгә күсеп китә һәм П.И.Чайковский исемендәге Мәскәү консерваторияһында композиция буйынса профессор Тихон Хренниковта уҡыуын дауам итә.
Автор:Ләйлә Аралбаева
Читайте нас: