«Урал батыр» эпосы мотивтары буйынса проект рәсәй сәхнәһенә сыҡты

Ләйлә Аралбаева

Өфө, 2016 йыл, 28 декабрь. /«Башинформ» мәғлүмәт агентлығы, Ләйлә Аралбаева/. Композитор Азамат Хәсәншиндың «Легенда о Саошианте» исемле проекты рәсәй сәхнәһендә ҡабаттан ҙур уңыш менән сығыш яһаны. Ул «Урал батыр» башҡорт халыҡ эпосы мотивтары буйынса ҡуйылған. Пролог Санкт-Петербургтың иң ихтыяжлы театр майҙансыҡтарының береһендә – В.Ф.Комиссаржевский исемендәге Академия драма театры сәхнәһендә ҡуйыла.

Спектакль «Раштыуа парады» XXIII Халыҡ-ара дәүләттеке булмаған театрҙар һәм театр проекттары фестивале сиктәрендә күрһәтелә. Проект презентацияһын Рәсәйҙең мәҙәни баш ҡалаһы тамашасыларына һәм күренекле сәхнә эшмәкәрҙәре, режиссерҙар ингән абруйлы жюри ағзаларына тәҡдим итәләр. Жюри составына театр тәнҡитселәре, «Алтын битлек» рәсәй милли премияһының эксперт советы ағзалары Евгений Авраменко һәм Алексей Пасуев кеүек билдәле кешеләр инә. Жюрины Г.А.Товстоногов исемендәге Ҙур драма театры актеры Михаил Морозов етәкләй.

Белгестәр йәш өфө бейеүселәрен, «МеЖдуТанцем» исемле оҫтахана солистары Алина Мостаева, Адэлина Алчинова һәм Рөстәм Имамовтың сығыштарын юғары баһалай.

«Легенда о Саошианте» исемле проект заманса хореография (contemporary dance), пост-авангард музыка, һынлы сәнғәт һәм видеоарт техникаларының синтезында эшләнгән. Тәү тапҡыр 2016 йылдың июлендә Ҡырымда «Таврида» бөтә Рәсәй йәштәр форумында тамашасы хөкөмөнә сығарыла. Унда проект федераль форум грантына лайыҡ була. Грант проектты ғәмәлгә ашырыу (сәхнәгә ҡуйыу) өсөн тәғәйенләнгән.

«Проекттың маҡсаты – жанрҙар, стилдәр, медиапродукттар, башҡорт мәҙәниәтенең тәрән этник мәғәнәләре менән уйын киңлеге булдырыу», — тип аңлатты композитор, проекттың сюжет авторы Азамат Хәсәншин.

Ҡуйыусы хореограф, проект режиссеры – Ольга Даукаева, видео-артты Вәсил Ханнанов картиналарының мотивтары буйынса Александр Соболев атҡара. Грант шарттарына ярашлы «Легенда о Саошианте» («Урал батыр») постановкаһы 2017 йылда Өфө сәхнәләренең береһендә ҡуйылырға тейеш.

1 из 7

#музыка

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.