Өфөлә «Ҡырағай» фильмының презентацияһы үтте

Ләйлә Аралбаева

Өфө, 2016 йыл, 28 декабрь. /«Башинформ» мәғлүмәт агентлығы, Ләйлә Аралбаева/. Рәсәй киноһы йылы тамамланыр алдынан Өфөнөң «Родина» кинотеатрында «Ҡырағай» ҡыҫҡа метражлы уйын фильмының презентацияһы үтте. 25 минутлыҡ фильмды «Башҡортостан» киностудияһы менән берлектә сценарий авторы һәм режиссер Фәрзәнә Утарбаева төшөрә. Яңы драма әсә менән ул мөнәсәбәттәренә арналған. Фильмдың төп тезисы «Әсә күңеле — балала, бала күңеле — далала» башҡорт мәҡәленә тап килә. Төп ролдәрҙе Башҡорт драма театры актерҙары, СССР-ҙың халыҡ артисы Гөлли Мөбәрәкова һәм Артур Кәбиров башҡара.

Презентацияла 27 йәшлек картина авторы Фәрзәнә Утарбаева, ҡуйыусы оператор Тимур Ғәниев, Башҡортостан Республикаһы Кинематографсылар союзы рәйесе Фәрит Ғәбитов, йырсы һәм депутат Айҙар Ғәлимов, Кинематографсылар союзының Йәштәр үҙәге етәксеһе Айнур Асҡаров, фильмдың бағыусылары һәм киң мәғлүмәт саралары вәкилдәре ҡатнаша.

«Фильм беҙҙең ысынбарлыҡ тураһында. Был беҙҙең һыҙланыу, фильмдың башынан аҙағына тиклем тамаҡта төйөн тора», — тип билдәләне фильмды ҡарағандан һуң Айҙар Ғәлимов.

«Мин бик тулҡынланам. Был минең тәүге эшем, беҙ бер йыл буйына тырышып эшләнек. Фильмды төшөрә башлағанда исеме «Ҡайтыу» ине, әммә һуңынан «Ҡырағай» тип үҙгәртергә ҡарар иттек», — тип һөйләне презентацияла Фәрзәнә Утарбаева. Ул фильмдың идеяһын хуплаусы һәм уны төшөрөргә ярҙам итеүселәрҙең барыһын да билдәләп үтте.

Фильмдың идеяһы профессиональ даирәлә ярҙам таба. Ул киноны тәү башлап төшөрөүселәр питчингтарында призлы урындар биләй.

Фильмдың креатив продюсеры – Айнур Асҡаров, ҡуйыусы рәссамы – Айгөл Байрамғолова. Музыканы йәш мәскәү композиторы Айҙар Хәмзин яҙа, аэросъемкаларҙы Владимир Жилко башҡара. «Ҡырағай» фильмын Шишмә районында һәм Өфөнөң 21-се дауаханаһында төшөрәләр. Башҡорт телендәге фильм русса субтитрҙар менән тәьмин ителгән.

#кино #премьера

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.