Өфө, 2016 йыл, 26 декабрь. /«Башинформ» мәғлүмәт агентлығы, Ләйлә Аралбаева/. Танылған опера басы, Беренсе каналда
«Голоса на миллион» фильмында төп геройҙарҙың береһен уйнаусы, яҡташыбыҙ Илдар Абдразаҡов Рәсәй «Casta Diva» опера премияһы лауреаттарының береһе итеп
танылды. Бының хаҡта «Classical Music News» порталы хәбәр итә. «Йыл йырсыһы» номинацияһында жюри ағзалары уның өс эшен билдәләй: Зальцбург фестивалендә Шарль Гуноның «Фауст» операһында Мефистофелде, Джузеппе Вердиның «Дон Карлос» әҫәрендә Филипп Икенсене (Рәсәйҙең Ҙур театрында
дебют), Станиславский һәм Немирович-Данченко исемендәге музыкаль театрҙа Жак Оффенбахтың «Гофман әкиәттәре» операһында Линдорф, Коппелиус, Дапертутто, Мираклды.