Башҡорт дәүләт филармонияһының яңыртылған Ҙур залы асылды

ӨФӨ, 2016 йыл, 2 декабрь. /«Башинформ» мәғлүмәт агентлығы, Ләйлә Аралбаева/. Башҡорт дәүләт филармонияһының яңыртылған Ҙур залы асылды. Популяр «Рух» рок-төркөмөнөң 25 йыллыҡ юбилейына йыйылған тамашасылар яңы креслоларҙы баһалай алды.

Көҙ көнө филармонияның түбәһе алмаштырылды, йылытыу һәм һыу менән тәьмин итеү системалары ремонтланды. Ҙур залдың вестибюленә ингән саҡта иҙән япмаһының граниты алмаштырылды. Гардероб яңыртылды, Ҙур залдың эсендә яңы креслолар ҡуйылды һәм ковролин түшәлде. Залда урындар һаны (633) үҙгәрмәгән. Тамашасылар концерт залдарында һауа температураһының түбән булыуына зарлана ине. Әммә ошо көндәрҙә проблема хәл ителәсәк, тип ышандырҙылар филармонияла.