Шүлгәнташ мәмерйәһендә ҡаяға төшөрөлгән һүрәттең яңы фрагменты табылған

ӨФӨ, 2016 йыл, 16 ноябрь. /«Башинформ» мәғлүмәт агентлығы, Ләйлә Аралбаева/. Шүлгәнташ мәмерйәһендә быға тиклем билдәһеҙ һүрәт табылған. Был яңы сенсациялы яңылыҡ булды, тип хәбәр итә Башҡортостан Мәҙәниәт министрлығының матбуғат хеҙмәте. Рәсем залдың көнбайыш стенаһындағы граффитиҙарҙы таҙартҡанда асыҡланған. Экспедиция етәксеһе Эудаль Гийаме әйтеүенсә, табылған буяу — ҡаяға төшөрөлгән һүрәттәрҙең бер өлөшө.

Мәмерйәләге хәҙерге граффитиҙарҙы бөтөрөүҙең сираттағы, өсөнсө этабы тамамланды. Башҡарылған эштәр һөҙөмтәһендә төп галерея, Сталагмиттар, Билдәләр залы, Каскад, Беренсе галерея таҙартылған. Әлеге ваҡытҡа Көмбәҙ, Хаос, Акустик һәм Ҡорам залдарында ғына яҙмалар ҡалған. Киләһе йәйге эскпедиция барышында таҙартыу буйынса эштәр тулыһынса тамамланасаҡ.

Башҡортостандың мәҙәни мираҫ объекттарын һаҡлау һәм файҙаланыу буйынса фәнни-етештереү үҙәге етәкселеге мәмерйәне инфраҡыҙыл һәм 3D-сканерлау өсөн Испания һәм Франция белгестәрен йәлеп итеү мәсьәләһе буйынса һөйләшеүҙәр алып бара. Тикшереүселәр фекеренсә, мәмерйә стеналарын инфраҡыҙыл сканерлау ултырмалар һөҙөмтәһендә күренмәгән һүрәттәрҙе табырға мөмкинлек бирәсәк.

Эштәр «Шүлгәнташ мәмерйәһендәге рәсемдәр» объектын өйрәнеү, һаҡлау, популярлаштырыу һәм ЮНЕСКО-ның Бөтә донъя мираҫы исемлегенә индереү буйынса саралар планына ярашлы алып барыла.

Теги:экология шүлгәнташ мәмерйәһе

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».