Башҡортостан һәм Өфө яңылыҡтары
77.36
+0.67
87.59
+0.69
86.68
+0.41
-18 °C
Болотло
Бөтә яңылыҡтар
Мәҙәниәт
24 Октябрь 2016, 11:48

Социаль селтәрҙәрҙә 112-се Башҡорт кавалерия дивизияһының 75 йыллығы уңайынан хәтер акцияһы башланды

Олег Яровиков
ӨФӨ, 2016 йыл, 24 октябрь. /«Башинформ» мәғлүмәт агентлығы, Ләйлә Аралбаева/. Социаль селтәрҙәрҙә легендар 112-се Башҡорт кавалерия дивизияһының 75 йыллығына арналған акция башланды. Теләге булған һәр кем үҙ битендә олатаһы йәки туғаны — 112-се Башҡорт кавалерия дивизияһы яугире тураһында яҙма урынлаштыра ала. Шулай уҡ #112bashkav75 билдәһен ҡуйырға кәрәк.
«Тыуған илеңде яратаһыңмы, ата-бабаларыңдың ҡаһарманлығы менән ғорурланаһыңмы, халыҡтың тарихын һаҡлап ҡалырға теләйһеңме? Уларҙың батырлығын халыҡтың күңелендә һәм хәтерендә һаҡла! Киләсәк быуындарҙың рухын нығыт!» — тип мөрәжәғәт итә ойоштороусылар.
112-се Башҡорт кавалерия дивизияһы 1941 йылдың декабрендә Өфөлә ойошторола. Дондан алып Эльбаға тиклем яу юлы үтеп, дивизия Юғары Баш командующий бойороҡтарында һуғышта айырыуса ҙур батырлыҡ күрһәткәндәр иҫәбендә 15 тапҡыр телгә алына. Уның 3860 яугире орден-миҙал менән бүләкләнә, 78-е – Советтар Союзы Геройы, бишәүһе Дан орденының тулы кавалеры була.