Өфөлә «Бабич» исемле тулы метражлы тарихи фильм төшөрөү тамамланды

IMPORT Сервисный

ӨФӨ, 2016 йыл, 19 октябрь. /«Башинформ» мәғлүмәт агентлығы, Ләйлә Аралбаева/. Өфөлә «Бабич» исемле тулы метражлы тарихи фильм төшөрөү тамамланды. Картина 27 июндә төшөрөлә башланы һәм 67 көн дауам итте. Кинорежиссер Булат Йосопов хәбәр итеүенсә, 80 ролдә һәм күмәк сәхнәләрҙә бик күп халыҡ ҡатнашҡан.

«Төп ижади төркөм — операторҙар, рәссамдар, техник персонал — «Наган» фильмынан ҡалған. Артабан да улар менән эшләүемде дауам итергә теләр инем, — ти Булат Йосопов. — Мин төп ролде башҡарған актер Илгиз Таһиров менән бик ҡәнәғәтмен. Ул үҙен ил кимәлендәге проекттарҙа ла эшләй алырлыҡ юғары профессионал итеп күрһәтте».

«Август айында фильм ике көн дауамында Ағиҙел йылғаһы буйында төшөрөлдө. Тәүге көндә иртәнге сәғәт 11-гә килһәк, режиссер кисен төшәсәгебеҙ хаҡында хәбәр итте. Йәй бик эҫе булды. Шуға күрә шатланып һыу инергә йүгерҙек. Көнө буйына һыу индек, гитарала уйнап йырланыҡ, ярҙан-ярға йөҙөп сыҡтыҡ — бына шул айырыуса ныҡ хәтерҙә ҡалған», — тип һөйләне Илгиз Таһиров.

Әлеге ваҡытта материалды монтажлау бара. Премьера 2017 йылға билдәләнгән.

«Бабич» исемле яңы тулы метражлы нәфис фильм башҡорт шиғриәте классигы, йәмәғәт һәм сәйәси эшмәкәр, тәүге башҡорт Хөкүмәте ағзаларының береһе Шәйехзада Бабичтың тормош һәм ижад юлына арналған. Картинала 1914-1919 йылдарҙа Башҡортостан, Ырымбур, Троицк, Силәбе биләмәләрендә барған тарихи ваҡиғалар сағылдырыла. Фильмды республика Башлығының туғыҙ миллион һумлыҡ грантына «Йәнле таҫма» кинокомпанияһы төшөрә.

#кино

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.