Өфөлә Йәштәр театры Мостай Кәримдең тыуған көнөндә уның спектаклдәрен ҡуя

IMPORT Сервисный

ӨФӨ, 2016 йыл, 18 октябрь. /«Башинформ» мәғлүмәт агентлығы, Ләйлә Аралбаева/. Башҡортостандың Милли йәштәр театры республиканың халыҡ шағиры, прозаик һәм драматург Мостай Кәримдең тыуған көнөн билдәләргә әҙерләнә. Ул 1919 йылдың 20 октябрендә тыуған, быйыл яҙыусының тыуыуына 97 йыл тулыу билдәләнә.

Театрҙың матбуғат хеҙмәтендә хәбәр итеүҙәренсә, ошо ваҡиға уңайынан 18-20 октябрҙә Ҙур залда Мостафа Сафа улының әҫәрҙәре буйынса спектаклдәр күрһәтелә. Тамашасылар режиссер Мәсәлим Күлбаевтың «Заһир, Гөлшат һәм Берлиндың асҡысы» лирик комедияһын, «Беҙҙең өйҙөң йәме» хәтирәләрен, режиссер Илдар Ғиләжевтың «Башҡорт тотҡонбикәһе» спектаклен ҡарай ала. Театр фойеһында шағирҙың тормошона һәм ижадына арналған экспозиция ойошторолған. Унда шәхси әйберҙәр, фотоһүрәттәр, уның әҫәрҙәре буйынса спектаклдәрҙең афишалары урын алған.

Мостай Кәримдең тыуған көнөндә көндөҙгө сәғәт 12-лә Йәштәр театры хеҙмәткәрҙәре Ленин районы хакимиәте менән бергә халыҡ шағирының һәйкәленә сәскә һаласаҡ, артистар уның шиғырҙарын уҡып ишеттерәсәк. Кисен театрҙа «Ҡыҙ урлау» пьесаһы буйынса «Башҡорт тотҡонбикәһе» спектакле сәхнәләштерелә. Унан алда Мостай Кәрим исемендәге фонд менән берлектә ойошторолған тантаналы өлөш була. Сараға абруйлы ҡунаҡтар — шағирҙың туғандары, шул иҫәптән уның ҡыҙы Әлфиә Мостафа ҡыҙы киләсәк.

#хәтер #милли йәштәр театры

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.