Өфөлә Башҡортостандың халыҡ шағиры Ҡәҙим Аралбай ижад кисәһенә саҡыра

IMPORT Сервисный

ӨФӨ, 2016 йыл, 18 октябрь. /«Башинформ» мәғлүмәт агентлығы, Әлим Фәйезов/. Башҡортостандың халыҡ шағиры, Салауат Юлаев исемендәге дәүләт премияһы лауреаты, билдәле йәмәғәт эшмәкәре Ҡәҙим Аралбай ижад кисәһенә саҡыра. Сара яҙыусының 75 йәшлек юбилейына бағышланған. Әҙәби-музыкаль кисә йома, 21 октябрҙә, Актерҙар йортонда уҙа.

Кисәлә шағир үҙенең яңы лирик-фәлсәфәүи шиғырҙарын һәм робағиҙарын уҡыясаҡ. Сарала Башҡортостандың халыҡ шағиры Рауил Бикбаев, Башҡорт дәүләт университеты профессоры Тимерғәле Килмөхәмәтов, шағирәләр, Ш.Бабич исемендәге йәштәр премияһы лауреаты Фәрзәнә Аҡбулатова, Тәнзилә Дәүләтбирҙина, Зөлфиә Ханнанова, Гөлназ Ҡотоева һәм Лариса Абдуллина, «Китап» нәшриәте директоры Илһам Йәндәүләтов ҡатнаша. Ҡәләмдәш дуҫын ҡотларға Ҡазандан Татарстандың халыҡ шағиры Роберт Миңнуллин килә.

Башҡортостандың халыҡ артистары Ишморат Илбәков һәм Рәсүл Ҡарабулатов ҡурайҙа башҡорт халыҡ көйҙәрен уйнаясаҡ. Популяр музыкант һәм йырсы Радик Динәхмәтов Ҡәҙим Аралбайҙың ғәрәп теленән тәржемәләгән Һалдат бәйетен башҡарасаҡ.

Кисәне Рәсәйҙең атҡаҙанған, Башҡортостандың халыҡ артисы, шағирҙың яҡташы Хөрмәтулла Үтәшев алып бара. Юбилейға яҙыусының яҡташтары — Хәйбулла районы вәкилдәре, шулай уҡ Һамар өлкәһенең башҡорт диаспораһы вәкилдәре килә. Яҙыусының ғаилә ағзалары һәм туғандары ла сығыш яһай. Кисә киске сәғәт 7-лә башлана, инеү ирекле.

Ҡәҙим Аралбайҙың тәүге шиғырҙары 1963 йылда «Ленинсы» гәзитендә донъя күрә. Шул ваҡыттан алып бына 50 йылдан ашыу ул әүҙем яҙышыусы авторҙарҙың береһе — шиғри һүҙ оҫтаһы. Шағирҙың «Утлы кисеүҙәр» исемле беренсе шиғырҙар йыйынтығы 1975 йылда баҫыла. Шунан бирле Ҡәҙим Аралбайҙың ундан ашыу шиғырҙар һәм поэмалар, проза һәм башҡорт фольклоры буйынса тикшеренеүҙәр йыйынтығы, шулай уҡ һайланма әҫәрҙәренең ике томлығы донъя күрҙе. Ҡәҙим Аралбайҙың юбилейына «Китап» нәшриәтендә башҡорт телендә «Йыр йылыһы» исемле китап сыҡты.

#юбилейҙар #әҙәбиәт

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.