Башҡортостан юлдаш телеканалында республиканың 100 йыллығына «Башҡортостан геройҙары» проекты башлана

IMPORT Сервисный

ӨФӨ, 2016 йыл, 17 октябрь. /«Башинформ» мәғлүмәт агентлығы, Ләйлә Аралбаева/. Яңы миҙгелдә Башҡортостан юлдаш телеканалында «Башҡортостан геройҙары» тип аталған күләмле проект старт ала. Тапшырыу республиканың 100 йыллығына арнала, тип хәбәр итте телеканалдың матбуғат секретары Люциә Дәүлиева.

«Тарих, күренекле шәхестәр — йәмғиәтте берләштереүсе темалар. Республиканың тарихы — башҡорт, рус, татар, мишәр, мари, сыуаш, удмурт, мордва, украин һәм башҡа халыҡтарҙың тарихы ул, — тип һөйләне телевидение студияһының баш мөхәррире Гүзәл Хәсәнова. — Ошо телевизион проект менән ҡыҙыҡһынған тамашасылар тауыш биреп кенә ҡалмаясаҡ, шулай уҡ билдәле шәхестәрҙең төбәк яҙмышындағы роле тураһында фекер алышыуҙа ҡатнашасаҡ. Башҡортостан тарихына республика халҡының иғтибарын йәлеп итеү, йәмғиәттә резонанс һәм ҡыҙыҡһыныу тыуҙырыу күҙ уңында тотола. Проект тыуған төйәктең тарихын, мәҙәниәтен өйрәнеү өсөн, шулай уҡ гражданлыҡ йәмғиәтен формалаштырыуҙа үҙенсәлекле ҡорал буласаҡ».

Проектты бер нисә этапта тормошҡа ашырыу күҙаллана. Тәүҙә танылған эшмәкәрҙәрҙең исемлеге билдәләнә. Уны онлайн тауыш биреү юлы менән тамашасылар үҙҙәре тәҡдим итә һәм һайлап ала. Һуңынан Башҡортостан юлдаш телеканалы һайлап алынған тарихи шәхестәрҙең тормошо һәм эшмәкәрлеге хаҡында 100 телефильм әҙерләй, ошо шәхестәрҙең төбәк яҙмышындағы ролен тикшереү өсөн теледебаттар ойоштора.

#башҡортостан юлдаш телеканалы #башҡортостан геройҙары #басср-ҙың 100 йыллығы

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.