Шаляпин конкурсының тамашасылар һөйөүе призы Өфөлә ҡалды

Георгий Шишкин

IMPORT Сервисный

ӨФӨ, 2016 йыл, 26 сентябрь. /«Башинформ» мәғлүмәт агентлығы, Ләйлә Аралбаева/. Фёдор Шаляпин исемендәге I Халыҡ-ара вокалсылар конкурсының тамашасылар һөйөүе призы Өфөлә ҡалды. Уға конкурстың иң йәш ҡатнашыусыһы, Өфө сәнғәт училищеһын тамамлаған Айгөл Әхмәтшина лайыҡ булды. Шулай уҡ ул «Өмөт» призын яуланы.

Конкурстың Гран-прийы бер кемгә лә бирелмәне. Кисә Башҡорт дәүләт опера һәм балет театрында конкурстың лауреаттары һәм дипломанттары иғлан ителде. Башҡортостандың халыҡ артисы Асҡар Абдразаҡов етәкселегендәге баһалама ағзалары еңеүселәрҙе ҡотлап, уларға изге теләктәрен еткерҙе. Киләһе конкурс ике йылдан уҙасаҡ, тип билдәләне мәҙәниәт министры Әминә Шафиҡова.

«Өфөлә Шаляпин кисәләре» XV Халыҡ-ара опера сәнғәте фестивале гала-концерт менән тамамланды. Конкурс лауреаттары һәм төрлө төбәктәрҙең опера театры йондоҙҙары рус һәм сит ил композиторҙары операларынан ариялар башҡарҙы. Концерт конкурстың махсус призына эйә булыусы, Өфө сәнғәт институты студенты Дамир Тайыпов башҡарыуында «Ҡаһым түрә» йыры менән асылды. Тамашасылар алдында театрҙың симфоник оркестры менән бергә (дирижеры — Артём Макаров) беренсе премияға лайыҡ булыусылар Артур Ҡәйепҡолов (Рәсәй, Өфө), Ярослав Петряник (Рәсәй, Санкт-Петербург), Регина Рөстәмова (Азербайжан, Баку); икенсе һәм өсөнсө премияны алыусылар — Динар Джусоев (Рәсәй, Ҡазан), Айдос Жабагин (Ҡаҙағстан, Алматы), Вера Позолотина (Рәсәй, Екатеринбург), Олег Бударацкий (Рәсәй, Екатеринбург), Виктор Менделев (Беларусь, Минск) сығыш яһаны.

Кисәне фестиваль ҡунаҡтары Александр Никитиндың (Мария театры), Агунда Кулаеваның (Ҙур театр), Георг Онианиҙың (Германия), Жупар Ғабдуллинаның (Астана-опера), апалы-һеңлеле Ольга һәм Елена Терентьеваларҙың (Яңы опера), Татьяна Никанорованың (Екатеринбург опера һәм балет театры), Башҡорт театры солистары, жюри ағзаһы Эльвира Фәтихова, Дилара Иҙрисова һәм Лариса Әхмәтованың сығышы биҙәне. Иң һуңында жюри рәйесе Асҡар Абдразаҡов тамашасыларҙы Дон Жуан һәм Гранада серенадаһы менән һөйөндөрҙө.

Башҡортостан Башлығы ярҙамында ойошторолған опера сәнғәте байрамы тамамланды. Сәнғәт күгендә яңы йондоҙҙар ҡабынды, Өфө иһә тағы ла бер халыҡ-ара конкурс менән байыны.

1 из 4

#шаляпин конкурсы #башҡорт дәүләт опера һәм балет театры

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.