Горький исемендәге Әҙәбиәт институты Мостай Кәрим фонды менән берлектә башҡорт теленән тәржемәселәр өсөн конкурс иғлан итте

IMPORT Сервисный

ӨФӨ, 2016 йыл, 26 сентябрь. /«Башинформ» мәғлүмәт агентлығы, Ләйлә Аралбаева/. Бәйгелә башҡорт теленән тәржемә итеүселәр ҡатнаша ала. Уны Мостай Кәрим исемендәге фонд менән берлектә А.М.Горький исемендәге Әҙәбиәт институты ойоштора. Был хаҡта бөгөн «Башинформ» мәғлүмәт агентлығында үткән матбуғат конференцияһында вуздың ректоры Алексей Варламов белдерҙе. Сара «Ҙур китап — провинцияла осрашыуҙар» проектына арналды.

Әлеге ваҡытта Әҙәбиәт институтында милли телдәрҙән тәржемә итеү йүнәлешен тергеҙергә ниәтләйҙәр. Башҡорт теленән тәржемәселәр конкурсы 2019 йылда халыҡ шағиры Мостай Кәримдең тыуыуына 100 йыл тулыу айҡанлы ойошторола. Бәйге йомғаҡтары буйынса еңеүселәр Әҙәбиәт институтының бюджет бүлегенә уҡырға ингәндә льготалы мөмкинлеккә эйә буласаҡ.

Конкурс быйыл октябрь-декабрь айҙарында уҙғарыла. Ҡатнашыусыларҙың йәше сикләнмәгән, тип билдәләне Алексей Варламов. Бәйге ике этапта үткәрелә. Тәүгеһендә башҡорт теленән һәм башҡорт теленә тәржемә ителгән шиғырҙар, хикәйәләр, повестар, документаль проза ҡарала. Жюри составында Әҙәбиәт институты уҡытыусылары, Мостай Кәрим фонды вәкилдәре һәм башҡорт әҙәбиәтселәре эшләй.

Икенсе турҙа баһалама ағзалары һайлап алған ҡатнашыусыларға ике ижади эш: Мостай Кәримдең башҡорт телендәге ҙур булмаған художестволы тексын һәм Башҡортостандың тарихы, тәбиғәте, мәҙәниәте темаһына бәйле эссены тәржемәләргә тәҡдим ителә. Конкурс тураһында тулыраҡ мәғлүмәт Мостай Кәрим исемендәге фондтың сайтында бирелгән.

Мостай Кәрим исемендәге фонд 2013 йылдың июнендә булдырылған. Ойошманы танылған башҡорт шағиры һәм яҙыусыһы Мостай Кәримдең ҡыҙы Әлфиә Кәримова етәкләй. Фонд эшмәкәрлегенең төп маҡсаты — танып-белеү программаларын һәм нәшриәт эшмәкәрлеген ойоштороу иҫәбенә башҡорт теленә һәм әҙәбиәтенә булышлыҡ итеү.

#әҙәби конкурс #тәржемәселәр конкурсы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.