Өфөлә Фёдор Шаляпин исемендәге I Халыҡ-ара вокалсылар конкурсы асылды

автор фотоһы

IMPORT Сервисный

ӨФӨ, 2016 йыл, 21 сентябрь. /«Башинформ» мәғлүмәт агентлығы, Ләйлә Аралбаева/. Кисә Өфөлә Фёдор Шаляпин исемендәге I Халыҡ-ара вокалсылар конкурсы асылды. Ул «Өфөлә Шаляпин кисәләре» XV Халыҡ-ара опера сәнғәте фестивале сиктәрендә уҙа. Өфө сәнғәт институтында, бөйөк рус йырсыһының исемен йөрөткән концерт залында, сараны асыу тантанаһы булды. Матбуғат конференцияһында ойоштороусылар һәм баһалама ағзалары бәйге тураһында фекерҙәре менән уртаҡлашты.

«Конкурстың беҙҙең ҡалала уҙғарылыуына бик шатмын. Шаляпиндың тәүге тапҡыр ошонда сығыш яһауын, шунан һуң бөтә донъяла танылыу яулауын барыбыҙ ҙа беләбеҙ, — тине жюри рәйесе, Башҡортостандың халыҡ артисы Асҡар Абдразаҡов. — Яңы йондоҙҙар ҡабыныр, тип ышанабыҙ. Артабан улар спектаклдәргә һәм концерттарға саҡырыласаҡ, беҙ уларҙың үҫешен күҙәтеп барасаҡбыҙ».

Асҡар Абдразаҡов әйтеүенсә, вокал конкурстары жюрийы составында эшләү тәжрибәһе булһа ла, ул тәүге тапҡыр баһалама рәйесе вазифаһын башҡара. Шаляпин конкурсын үткәреү идеяһын Башҡорт опера һәм балет театры директоры Илмар Әлмөхәмәтов тәҡдим иткән, тип хәбәр итте баш дирижер Артём Макаров.

Сығыштарҙы Рәсәйҙең күренекле мәҙәниәт һәм сәнғәт эшмәкәрҙәре баһалай. Улар — Мария театрының йәш опера йырсылары академияһы, Төньяҡ Осетия-Аланияның опера һәм балет театры етәксеһе Лариса Гергиева, Мария театры режиссеры Иркин Ғәбитов, Елена Образцованың Халыҡ-ара музыка академияһы директоры Елена Макарова, З.Исмәғилев исемендәге Өфө дәүләт сәнғәт институтының яңғыҙ йырлау кафедраһы доценты, Башҡорт дәүләт опера һәм балет театры солисы Салауат Асҡаров, Өфө сәнғәт институтының вокал сәнғәте кафедраһы мөдире, профессор Фәрзәнә Сәғитова, Башҡорт дәүләт опера һәм балет театры солисы Эльвира Фәтихова.

Матбуғат конференцияһынан һуң йәрәбә үткәрелде. Конкурста ҡатнашыусылар һәм жюри ағзалары Фёдор Шаляпин һәйкәленә сәскәләр һалды.

1 из 10

#шаляпин конкурсы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.