«Тамыр» балалар телеканалы «СМИротворец» конкурсында еңеү яуланы

IMPORT Сервисный

ӨФӨ, 2016 йыл, 14 сентябрь. /«Башинформ» мәғлүмәт агентлығы, Ләйлә Аралбаева/. «Башҡортостан» телерадиокомпанияһының «Тамыр» балалар телеканалы «СМИротворец-Волга» VIII Бөтә Рәсәй конкурсының Волга буйы федераль округы буйынса төбәк этабы еңеүселәренең береһе булды. «Тамыр» телеканалының «Был беҙ» тапшырыуҙар циклы «Балалар һәм йәштәр киң мәғлүмәт саралары» номинацияһында еңеү яуланы.

Конкурстың лауреаттары Һамарҙа иғлан ителде. Программаның режиссеры Адель Һөнәрғолова Һамар өлкәһе халыҡтары союзы рәйесе Ростислав Хугаев ҡулынан награда алды.

«Был беҙ» проекты өҫтөндә эшләү беҙҙең өсөн үҙенсәлекле имтихан булды, — тип һөйләне Адель. — Һынауҙы лайыҡлы үттек, тип уйлайым. Ижади төркөмөбөҙ бик татыу: мөхәррирҙәр Элина Бакирова, Татьяна Никитина, рәссамдар Арыҫлан Бикбай, Айрат Арыҫланов, монтажлау режиссеры Шамил Хәмитов».

Этник-ара журналистика гильдияһы президенты Маргарита Лянге «Был беҙ» сағыу үҙенсәлекле проекты менән һоҡланыуын белдерҙе. Ул тапшырыуҙың йөкмәткеһе ҡыҙыҡлы һәм тәрән, алып барыусыларҙың ихлас булыуын билдәләне.

«Бала саҡ — ғүмерҙең иң гүзәл мәле, — тип һөйләй «Тамыр» телеканалы директоры Гөлназ Ҡолһарина. — Беҙ уларҙың күңеленә изгелек орлоҡтары сәсеп ҡалырға тырышабыҙ. «Был беҙ» проекты аша Башҡортостан халыҡтарының матурлығын һәм байлығын, һәр милләттең үҙенсәлеген тамашасыға еткерә алғанбыҙҙыр тип уйлайым».

«СМИротворец-Волга» — «СМИротворец-2016» конкурсының тәүге төбәк этабы. Киләһе этап сентябрь аҙағында Улан-Удэ ҡалаһында уҙа. Беренсе урын алған эштәр автоматик рәүештә федераль исемлеккә эләгә. Еңеүселәр ноябрь айында Мәскәүҙә бүләкләнә.

1 из 4

#наградалар #киң мәғлүмәт саралары #«тамыр» телеканалы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.