Понедельник, 28 Сентября 2026

Уфа

+9 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт

|Последние новости

Төп бит/Мәҙәниәт

15:39 (UTC+5), 09 Сентября 2016

Өфөлә Башҡорт драма театрының художество етәксеһе Олег Ханов СССР-ҙың халыҡ артисткаһы Гөлли Мөбәрәковаға мөхәббәтен белдерҙе

Олег Яровиков

ӨФӨ, 2016 йыл, 9 сентябрь. /«Башинформ» мәғлүмәт агентлығы, Ләйлә Аралбаева/. Өфөлә М.Ғафури исемендәге Башҡорт академия драма театрының художество етәксеһе Олег Ханов СССР-ҙың халыҡ артисткаһы Гөлли Мөбәрәковаға мөхәббәтен белдерҙе. Бөгөн, 9 сентябрҙә, ул, легендар актрисаны 80 йәше менән ҡотлап, А.С.Пушкиндың «Я помню чудное мгновенье» шиғырын уҡыны.

«Бөгөн һеҙҙе тере легендаға тиңләргә мөмкин. Иң ҡыуаныслыһы — һеҙ беҙҙең менән сәхнәгә сығаһығыҙ. Беҙ, хеҙмәттәштәрегеҙ һәм уҡыусыларығыҙ, һеҙҙең менән бер сәхнәлә эшләүебеҙгә шатбыҙ. Һеҙҙән оҫталыҡ дәрестәре һәм илһам алабыҙ», — тине Олег Закир улы һәм Мәҙәниәт министрлығының ҡотлау хатын уҡып ишеттерҙе.

Актрисаның тыуған көнөндә бөтә коллектив театрҙың ҙур залына йыйылды. Башҡортостандың халыҡ артисткаһы Сара Буранбаева, актер Руслан Хайсаров өлкән коллегаларына шиғыр уҡыны, актер Юнир Ҡоланбаев «Йәнбикә» спектакленән йыр башҡарҙы. Бер аҙ тулҡынланыу кисергән Гөлли Мөбәрәкова хеҙмәттәштәренә рәхмәт әйтте һәм йәш сағында булған ҡыҙыҡлы хәлде: Өфө моторҙар эшләү берекмәһенең мәҙәниәт һарайында «Аҡ сирендәр» спектакленә һуңлауы һәм бының өсөн шелтә алыуы хаҡында һөйләне.

«Тормошта төрлө хәлдәр була. Танылған артистарыбыҙ менән сәхнәгә сығыу, уларҙан оҫталыҡҡа өйрәнеү иң ҡәҙерле мәлдәр булды. Быны уҡыусыларыма ла тапшырырға тырышам. Сәнғәткә тоғро булырға кәрәк, һәм ул үҙеңә йөҙләтә әйләнеп ҡайтасаҡ», — тип билдәләне Гөлли Мөбәрәкова.

Башҡорт академия драма театры музейында актрисаның юбилейына һәм Мөбәрәковтар династияһына арналған «Мөбәрәковтар: бәхетле ижад юлдары» исемле күргәҙмә асылды.

Бөгөн актриса үҙенең юбилейын сәхнәлә билдәләй. Шишмә районының мәҙәниәт һарайында «Ҡаһым түрә» спектакле сәхнәләштерелә, унда Гөлли Мөбәрәкова Әсә ролен башҡара.

15 сентябрҙә Өфөгә режиссер Сюзанна Ооржак килә һәм «Сәйер миссис Сэвидж» спектакленең репетициялары башлана. Премьера 17-18 ноябргә билдәләнгән.

1 из 10

#юбилейҙар #башҡорт драма театры

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.