Санкт-Петербургта Башҡортостанда тыуып үҫкән музыканттарҙың концерты булды

IMPORT Сервисный

ӨФӨ, 2016 йыл, 21 июнь. /«Башинформ» мәғлүмәт агентлығы, Ләйлә Аралбаева/. Санкт-Петербургта Башҡортостанда тыуып үҫкән музыканттарҙың концерты булды. Тыңлаусылар «Петербург рәссамы» музей-күргәҙмә үҙәгенә йыйылды. Кисәлә Санкт-Петербургтағы башҡорт диаспораһы вәкилдәре ҡатнашты.

Концертты ойоштороусы булып Ринат Камалов (ул Өфөлә Милли симфоник оркестры дирижеры булып эшләгән) һәм пианистка Гөлназ Вәлиуллина сығыш яһаны. Сарала төрлө йылдарҙа Өфөләге Урта махсус музыка колледжын тамамлаусылар ҡатнашты. Улар араһында халыҡ-ара конкурс лауреаттары — йырсы Диана Нурмөхәмәтова, виолончелдә уйнаусы Искәндәр Ханнанов, ҡурайсы Айназ Низаметдинов бар ине.

«Санкт-Петербургта бик күп Өфө музыканттары уҡый һәм эшләй. Йырсыларҙы ғына түгел, милли уйын ҡоралдарында уйнаған егет-ҡыҙҙарҙы йәлеп итеп концерт ҡуйыу идеяһы тыуҙы, — тип һөйләне Гөлназ Вәлиуллина. — Концерт шәп булды».

Әлеге концерттың идеяһын Владимир Спиваковтың Халыҡ-ара хәйриә фонды хупланы. Сара «Мәскәү дуҫтарын ҡаршылай» XIII халыҡ-ара фестивале барышында ойошторолдо. Ҡатнашыусыларҙың барыһына ла дипломдар һәм иҫтәлекле бүләктәр тапшырылды.

Владимир Спиваковтың Халыҡ-ара хәйриә фонды вәкиле булып Гөлнара Ханнанова сығыш яһаны, фондтың эшмәкәрлеге һәм «Мәскәү дуҫтарын ҡаршылай» фестивале хаҡында һөйләне. Ул фондтың директоры Екатерина Ширман һәм уның художество етәксеһе Петр Гулько исеменән фондтың һәм Нева йылғаһы буйындағы ҡалала йәшәгән талантлы башҡорт йәштәре вәкилдәренең артабанғы берлектәге сараларына ышаныс белдерҙе.

#концерттар #башҡортостанда тыуғандар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.