Республикала «Уйын» байрамында тәүге тапҡыр башҡорт халыҡ уйындары тергеҙелә

IMPORT Сервисный

ӨФӨ, 2016 йыл, 8 июнь. /«Башинформ» мәғлүмәт агентлығы, Ләйлә Аралбаева/. 11 июндә Ҡырмыҫҡалы районы Тауһеңер ауылы янында тәүге тапҡыр «Уйын» халыҡ байрамы ойошторола. Байрам 2020 йылда үтәсәк Бөтә донъя фольклориадаһы алдынан «URALFEST» проектының бер өлөшө булып тора. Әлеге проект Башҡортостан Башлығының 9 миллион һумлыҡ грантына лайыҡ булған.

«Уйын» милли байрамында «Уҡ атыу», «Таш ырғытыу», «Ҡыҙ ҡыуыу» кеүек башҡорт халыҡ уйындарын тергеҙеү ҡаралған. Ҡарау ғына түгел, ошо бәйгеләрҙә һәм ярыштарҙа ҡатнашырға ла мөмкин. Байрам барышында «Ылаҡ» милли уйыны ойоштороласаҡ, интерактив этнографик майҙансыҡтар: «Бүләктәр аллеяһы», солоҡсолоҡ майҙансығы, «Башҡорт йәйләүе», тирмәләр, халыҡ кәсептәре күргәҙмә-йәрминкәһе эшләйәсәк. Ҡунаҡтар ҡымыҙҙан, ҡаҙылыҡтан ауыҙ итә аласаҡ.

Фестиваль барышында халыҡ һәм милли, йәштәр, спорт уйындары, ат сабыштары, көрәш, тирмәләр конкурсы ҡаралған.

Жюри составында билдәле спортсылар һәм мәҙәниәт, сәнғәт эшмәкәрҙәре эшләй. Жюри рәйесе — Башҡортостандың халыҡ артисы, Салауат Юлаев исемендәге дәүләт премияһы лауреаты Хөрмәтулла Үтәшев.

«Уйын» халыҡ байрамында Әбйәлил, Бөрйән, Ғафури, Ишембай, Ҡырмыҫҡалы, Учалы һәм Мәләүез райондары вәкилдәре ҡатнаша. Байрам «Ритайым» флешмобы һәм Ҡырмыҫҡалы районының үҙешмәкәр коллективтары концерты менән тамамлана.

Сараны ойоштороусылар — Башҡортостан Мәҙәниәт министрлығы, Республика халыҡ ижады үҙәге һәм Ҡырмыҫҡалы районы хакимиәте. «Уйын» байрамы иртәнге сәғәт 11-ҙә асыла.

#халыҡ байрамдары

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.