Өфөлә танылған шағир Ирек Кинйәбулатов донъя ҡуйҙы

ӨФӨ, 2016 йыл, 3 июнь. /«Башинформ» мәғлүмәт агентлығы, Ләйлә Аралбаева/. 2 июндә Башҡортостандың мәҙәни йәмәғәтселеге ауыр юғалтыу кисерҙе. Өфөлә башҡорт шағиры, Салауат Юлаев исемендәге дәүләт премияһы лауреаты, Башҡортостандың атҡаҙанған мәҙәниәт хеҙмәткәре, Диңгеҙселәр йыйылышының почетлы ағзаһы Ирек Кинйәбулатов ауырығандан һуң 78-се йәшендә донъя ҡуйҙы.

Шағир менән бәхилләшеү шәмбе, 4 июндә, иртәнге сәғәт 11-ҙә Башҡорт дәүләт филармонияһында үтә. Үҙенең теләге буйынса шағир Ҡырмыҫҡалы районы Абдулла ауылында ерләнә.

Ирек Лотфый улы Кинйәбулатов 1938 йылдың 15 июлендә Башҡорт АССР-ының Ҡырмыҫҡалы районы Абдулла ауылында тыуған. Урта мәктәпте тамамлағандан һуң Ҡара диңгеҙ флотында хеҙмәт итә. 1961-1966 йылдарҙа Башҡорт дәүләт университетында уҡый.

«Совет Башҡортостаны» гәзите редакцияһында махсус хәбәрсе, республика гәзит-журналдарында әҙәби хеҙмәткәр, китап нәшриәтендә мөхәррир, Башҡорт АССР-ы Яҙыусылар союзының Әҙәбиәтте пропагандалау бюроһы директоры була.

ХХ быуаттың 60-сы йылдарында, Башҡорт дәүләт университетының филология факультетында уҡығанда шиғырҙар яҙа башлай. Ирек Кинйәбулатовтың «Баҫыу юлы» исемле тәүге шиғырҙар йыйынтығы 1970 йылда донъя күрә. Ижадының төп темаһы — һуғыш шаңдауы, дошманды фашлау, Тыуған ил. Ирек Кинйәбулатов «Һөйөү иртәһе», «Арғымаҡта», «Мин — башҡорт!», «Замана тауышы», «Сыйырсыҡтар бала осора», «Ғүмер китабы» һәм башҡа китаптар авторы. Рәсәйҙең һәм Башҡортостандың Яҙыусылар союзы ағзаһы.

#юғалтыуҙар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.