«Медиапрофи» IV республика журналистар премияһының темаһы — «Башҡортостанда эшләнгән»

Георгий Шишкин

IMPORT Сервисный

ӨФӨ, 2016 йыл, 1 июнь. /«Башинформ» мәғлүмәт агентлығы, Ләйлә Аралбаева/. «Башинформ» агентлығында «Медиапрофи» IV республика журналистар премияһына арналған матбуғат конференцияһы уҙҙы. Конкурстың темаһы — «Башҡортостанда эшләнгән», төп аспект — импортты алмаштырыу. Быйыл киң мәғлүмәт сараларында яңы иҡтисади шарттарҙа сәнәғәт, ауыл хужалығы, социаль өлкәлә күҙәтелгән ыңғай үҙгәрештәрҙе яҡтыртыу шарт.

«Маҡсатыбыҙ — Башҡортостанды барыһы ла килергә теләгән әүҙем һәм перспективалы төбәктәр иҫәбенә индереү. Ҡайһы саҡта эшлекле кешеләргә республиканың нимәһе менән ҡыҙыҡлы булыуын аңлатырға ғына кәрәк», — тине, сараны асып, Башҡортостандың Матбуғат һәм киң мәғлүмәт саралары агентлығы етәксеһе Борис Мелкоедов.

Башҡортостандың сәнәғәт һәм инновация сәйәсәте министры Алексей Карпухин республика предприятиеларының эшмәкәрлегенә ентекләп туҡталды, кластер башланғыстары, уларҙы үҫтереү буйынса юл картаһы саралары тураһында һөйләне.

«Беҙҙең предприятиелар танылырға тейеш. Киң мәғлүмәт сараларында ошо хаҡта яҙыу ҡыҙыҡһыныусыларҙы арттыра, — тип билдәләне министр. — Беҙ журналистарҙы предприятиеларға алып барыуҙы ойоштора алабыҙ, уларҙы бөтә материалдар һәм документтар менән тәьмин итәсәкбеҙ».

Жюри составында «Халыҡ-ара матбуғат клубы. Чумиков PR һәм консалтинг» агентлығының генераль директоры, сәйәси фәндәр докторы, профессор Александр Чумиков та бар. Конкурсанттар оҫталыҡ йәһәтенән генә түгел, тармаҡ профессионализмы, теманы белеү буйынса баһалана, тип белдерҙе спикер. Мәҙәниәт һәм спорт темаһына яҙылған эштәр ҙә ҡарала.

«Медиапрофи» — әһәмиәтле мәсьәләләрҙе яҡтыртыуға һәм хәл итеүгә булышлыҡ итеүгә, республика киң мәғлүмәт саралары контентының сифатын күтәреүгә, журналистар эшен үҫтереүгә һәм һәләтле журналистарға ярҙам күрһәтеүгә йүнәлтелгән күләмле һәм үҙенсәлекле проект.

1 из 9

#медиапрофи #киң мәғлүмәт саралары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.