Вторник, 12 Мая 2026

Уфа

+13 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Мәҙәниәт

06:32 (UTC+5), 26 Мая 2016

Өфө амфитеатрында үткән Симфония төнөнә бик күп тамашасы йыйылды

Олег Яровиков

IMPORT Сервисный

ӨФӨ, 2016 йыл, 26 май. /«Башинформ» мәғлүмәт агентлығы, Ләйлә Аралбаева/. Өфө амфитеатрында үткән Симфония төнөнә бик күп тамашасы йыйылды. Республика Мәҙәниәт министрлығы баһалауы буйынса, быйыл уларҙың һаны 22 мең самаһы булды. Конгресс-холл янындағы амфитеатр йыр-моң һөйөүселәр менән тулды. Өфөләр ғаиләләре һәм дуҫтары менән хәтфә үләнгә ултырып концерт тыңланы. Асыҡ һауалағы концертҡа Башҡортостан Башлығы Рөстәм Хәмитов та килде.

Баш ҡалала акция дүртенсе тапҡыр ойошторолдо. Ҡала халҡы Өфө дәүләт сәнғәт институтының Йәштәр симфоник оркестры ҡатнашлығында өс сәғәтлек open air тыңлай алды. Оркестрҙың художество етәксеһе — «Донъя кубогы» халыҡ-ара конкурсы лауреаты, Бөтә Рәсәй дирижерҙар конкурсы дипломанты, «Рәсәйҙең йәш һәләттәре» федераль премияһына лайыҡ булған Линар Дәүләтбаев.

Концертта Чайковский, Брамс, Моцарт, Вивальди, Бизе, Гуго, Мусоргский, Исмәғилев әҫәрҙәре яңғыраны. Дженкинстың «Ҡораллы кеше» әҫәре тәүге тапҡыр тыңлаусылар иғтибарына тәҡдим ителде. Уларға Өфө дәүләт сәнғәт институты студенттары, Краснокама районының Балалар сәнғәт мәктәбе, Өфөләге 14-се балалар музыка мәктәбе һәм 2-се балалар сәнғәт мәктәбе уҡыусыларынан торған хор ҡушылды.

Концертта танылған йәш артистар Гөлнара Вәлиева, Артур Ҡәйепҡолов, Любовь Буторина, виолончелдә уйнаусылар Рөстәм Хәмиҙуллин, Аяз Нухов, скрипкасы Александр Маломожнов, арфала уйнаусы Гөлназ Абдуллина, һорнайсы Марат Моратов, кларнетсы Руслан Вәлиев, флейтасы Андрей Позяк, пианист Тимофей Владимиров ҡатнашты. Шулай уҡ Ҡытайҙа тыуып үҫкән, әле Гнесиндар исемендәге Рәсәй музыка академияһы студенты һәм магистранты Чжан Кайлинь һәм Лу Яо сығыш яһаны.

Баш ҡаланың «Балалайка-бэнд» һәм «Премьер-квартет» төркөмдәре, йырсы Алена Завьялова совет һәм Рәсәй эстрадаһының билдәле йырҙарын башҡарып, өфөләрҙең кәйефен күтәрҙе. Концертта «Инстаграм» социаль селтәрендә уҙғарылған #симфония төнө дирижеры интернет-акцияһына йомғаҡ яһалды. Ике еңеүсе — Динислам Нәбиев һәм Лидия Захарова оркестр менән дирижерлыҡ итеп ҡараны. Симфония төнө музыкаль фейерверк менән тамамланды.

1 из 12

#симфония төнө #евразия йөрәге

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.