Владимир Спиваков: «Өфөләге скрипкасылар конкурсы ғәҙәти булмаған приз фонды менән үҙенсәлекле»

Олег Яровиков

IMPORT Сервисный

ӨФӨ, 2016 йыл, 11 май. /«Башинформ» мәғлүмәт агентлығы, Ләйлә Аралбаева/. Владимир Спиваковтың I Халыҡ-ара скрипкасылар конкурсы ғәҙәти булмаған приз фонды менән үҙенсәлекле. Улар — танылған оҫталар яһаған дүрт скрипка. Бөгөн матбуғат конференцияһында маэстро үҙе ошо хаҡта белдерҙе.

Беренсе премия өсөн 1895 йылда Италия оҫтаһы Карло Джузеппе Оддоне яһаған скрипка тапшырыла. Хаҡы — 100 мең евро. Уны Францияла Владимир Спиваков үҙе һайлаған, Башҡортостан меценаты, конкурсты ойоштороусыларҙың береһе Василий Пеганов һатып алған. «Скрипканың яңғырашы иҫ киткес, уны бер кем дә асып ҡарамаған, әйтерһең дә, кисә генә яһалған», — тип билдәләне Владимир Спиваков.

Икенсе премия — Франция оҫтаһы Алан Карбонарҙың 40 мең евролыҡ скрипкаһы. Владимир Спиваковтың дуҫы лауреатҡа уйын ҡоралын бушлай тапшыра. Оҫта Өфөгә үҙенең ҡыҙы, шулай уҡ скрипка оҫтаһы менән килә. «Берәүһен Алан Карбонар Башҡортостан оркестрына бүләк итәсәк. Ҡыҙы иһә музыка мәктәбенә бәләкәй скрипка ҡалдырасаҡ», — тине Спиваков.

Өсөнсө премия — билдәле скрипка яһау оҫтаһы Вадим Стрельниковтың ҡыҙы, Кремона ҡалаһы оҫтаһы Мария Стрельникованың уйын ҡоралы. «Ошо скрипканы мин үҙем һатып алдым. Ул йәше 150 йылдан ашҡан ағастан яһалған. Мин дә уйнаным, бик оҡшаны. Заманса уйын ҡоралының хаҡы 20 мең евронан башлана», — тип аңлатма бирҙе Владимир Спиваков.

Игорь Улицкий эшләгән дүртенсе скрипканы Мостай Кәрим фонды һатып алған. «Еңеүселәргә ошондай дүрт скрипка бүләк ителәсәк. Бер ниндәй конкурста ла бындай хәл күҙәтелмәй. Йәштәр өсөн иң ҙур проблема — уйын ҡоралын һатып алырға мөмкинлек булмауы», — тине Владимир Спиваков.

1 из 5

#владимир спиваков #конкурс

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.