Баш ҡалала Владимир Спиваковтың I Халыҡ-ара скрипкасылар конкурсы асылды

Олег Яровиков

IMPORT Сервисный

ӨФӨ, 2016 йыл, 10 май. /«Башинформ» мәғлүмәт агентлығы, Ләйлә Аралбаева/. Бөгөн Өфөлә Владимир Спиваковтың I Халыҡ-ара скрипкасылар конкурсы асылды. Музыка ярышына төрлө илдәрҙән 12 йәш ҡатнашыусы килде.

Мәҙәниәт министры Әминә Шафиҡова уларҙы Башҡортостан Башлығы һәм республиканың дүрт миллионлы халҡы исеменән сәләмләне. Ул конкурстың күренекле скрипкасы һәм дирижер Владимир Спиваковтың тыуған төйәгендә ойошторолоуын билдәләне. Бында «Владимир Спиваков саҡыра» халыҡ-ара фестивале уҙғарыла һәм уның ҡарамағында һәләтле балалар өсөн мәктәп асылған.

«Конкурсты ойоштороу башланғысын Башҡортостан Башлығы тәҡдим итте һәм Владимир Теодорович риза булды. Беҙ һеҙҙең видеояҙмаларығыҙҙы тыңланыҡ. Ҡатнашыусыларҙың кимәленә ҡарағанда, бәйгегә яҡшы старт бирелгән. Жюри ағзаларына иң яҡшыларҙан яҡшыларҙы һайлап алыу еңел булмаясаҡ», — тине министр.

Сараны асыу сиктәрендә ҡатнашыусылар сығыш яһау өсөн йәрәбә һалды. Мәскәүҙән Мария Лундина конкурсты асыу хоҡуғын алды. Өфөнән Анастасия Мамяшева өсөнсө булып уйнай. Скрипкасылар парадын Швециянан Даниэль Лозакович тамамлай.

Халыҡ-ара жюри ағзаларының барыһы ла тиерлек Өфөлә, маэстро Владимир Спиваковтың килеүе көтөлә. Бөгөн йәш скрипкасылар өсөн бөтә Рәсәй оҫталыҡ дәрестәре башлана, 10 һәм 11 майҙа — Рәсәй Милли филармония оркестры солистары, 13-дә һәм 14-дә жюри ағзалары үткәрә. Ойоштороусыһы — Өфө дәүләт сәнғәт институты. Өфө дәүләт сәнғәт институтында хәбәр итеүҙәренсә, халыҡ-ара кимәлдә танылған музыканттарҙың оҫталыҡ дәрестәрен бушлай ҡарарға мөмкин.

#скрипкасылар конкурсы #владимир спиваков

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.