Шаршамбы, 20 Май 2026

Өфө

+14 °С

Мөһим яңылыҡтар Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Һуңғы яңылыҡтар

Төп бит/Мәҙәниәт

04:22 (UTC+5), 20 Апрель 2016

Өфөлә «Һылыуҡай-2016» конкурсында иң сибәр башҡорт ҡыҙының исемен атанылар

Олег Яровиков

IMPORT Сервисный

ӨФӨ, 2016 йыл, 20 апрель. /«Башинформ» мәғлүмәт агентлығы, Ләйлә Аралбаева/. 19 апрелдә Өфөлә «Һылыуҡай-2016» республика телевизион матурлыҡ конкурсының финалы уҙҙы. Гран-приға Күгәрсен районынан Эльвира Ҡарамышева лайыҡ булды. Республиканың беренсе һылыуҡайы «Mile» компанияһынан тун, «Ювелирцентр» компанияһынан колье һәм Мәскәүҙең «Zlata» компанияһынан таж менән бүләкләнде.

Эльвираға 18 йәш, ул Стәрлетамаҡта филолог һөнәренә уҡый. «Бәләкәйҙән үк ошо конкурс хаҡында хыялландым, — тине һылыуҡай. — Ике аҙна әҙерләндек. Ҡатнашыусы өсөн иң мөһиме — матур йырлай, бейей, һөйләй белеү. Был минең өсөн ауыр булманы».

Беренсе урынға Өфө ҡыҙы Ләйсән Шаһисолтанова лайыҡ булды, ул шулай уҡ «Интернет гүзәле» номинацияһында ла еңеүсе. Икенсе урынды Земфира Ҡотлоғолова (Федоровка районы) һәм Ильнара Ниязғолова (Мәскәү) яуланы. Өсөнсө урынды Дилара Хөсәйенова (Балаҡатай районы), Илзирә Сәфәрғәлина (Баймаҡ районы) һәм Межгорьенан Алина Тайфурова бүлеште, Алина «Мисс Комсомольская правда» исеменә лә лайыҡ булды. «Wday.ru» ҡатын-ҡыҙҙар мәғлүмәт порталында тауыш биреү юлы менән Ләйсән Шаһисолтанованы һайланылар. Магнитогорск ҡалаһынан Лиана Яныбаеваға Бөтә донъя башҡорттары ҡоролтайы башҡарма комитетының дипломы тапшырылды. Благовар районынан Роза Батыраева «Туған тел» каналының махсус призын алды — уға алып барыусылар курсына сертификат бирелде.

«Башҡортостан» дәүләт концерт залында 16 һылыуҡай үҙҙәренең матурлығын һәм милли ғөрөф-ғәҙәттәрҙе, традицияларҙы белеүҙәрен күрһәтте. Улар араһында республика район һәм ҡалалары вәкилдәре, шулай уҡ Мәскәү, Санкт-Петербург һәм Силәбе өлкәһе сибәрҙәре бар. Ҡыҙҙар бейене, уй-хыялдары менән уртаҡлашты һәм башҡорт дизайнерҙарының яңы коллекцияһын тәҡдим итте. Тәүге тапҡыр аш-һыу конкурсы ойошторолдо. Бәйге этаптарының береһе Рәсәй киноһы йылына арналғайны.

«Һылыуҡай» республика конкурсы — Рәсәйҙә иң оҙайлы һәм ғөрөф-ғәҙәттәрҙе дауам итеүсе берҙән-бер милли проект. Ойоштороусылар — Башҡортостандың Мәҙәниәт министрлығы, Республика халыҡ ижады үҙәге һәм «Туған тел» телеканалы.

1 из 12

#гүзәллек конкурсы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.