«URALFEST» халыҡ-ара этник музыка фестивале бер нисә халыҡ байрамын берләштерәсәк

IMPORT Сервисный

ӨФӨ, 2016 йыл, 5 апрель. /«Башинформ» мәғлүмәт агентлығы, Ләйлә Аралбаева/. Башҡортостанда «URALFEST» халыҡ-ара этник музыка фестивале уҙғарыла. Республика халыҡ ижады үҙәге проекты Башҡортостан Башлығының 9 миллион һумлыҡ грантына лайыҡ булды.

Республика халыҡ ижады үҙәгенең матбуғат хеҙмәте хәбәр итеүенсә, «URALFEST» — «Урал моңо» төрки йәштәрҙең халыҡ-ара конкурс-фестивален, Тальян байрамын һәм «Уйын» халыҡ байрамын берләштергән мәҙәни проекттар серияһы.

«Урал моңо» төрки йәштәрҙең халыҡ-ара конкурс-фестивале 26-28 майҙа Өфөлә уҙа. Ғәҙәттәгесә, сарала төрки илдәр вәкилдәре ҡатнаша. Быйыл Рәсәй төбәктәренән, яҡын һәм алыҫ сит илдәрҙән: Азербайжан, Ҡаҙағстан, Ҡырғыҙстан, Алтай Республикаһы, Молдова, Дағстан, Татарстан, Хакасия, Ҡабарҙа-Балҡар, Ҡырым Республикаһы, Алтай крайынан артистарҙың килеүе көтөлә.

Тальян байрамы һәүәҫкәр һәм профессиональ ансамблдәрҙе һәм солистарҙы: музыка ҡоралдарында уйнаусыларҙы, тальянсыларҙы, гармунсыларҙы, вокаль һәм бейеү коллективтарын бергә туплаясаҡ.

«Уйын» халыҡ байрамында милли һәм халыҡ уйындары күрһәтеләсәк. Ул халыҡ, милли уйын, спорт төрҙәрен, йолаларҙы һәм традицияларҙы тергеҙеү һәм пропагандалау маҡсатында уҙғарыла. Уның сиктәрендә һөнәр һәм халыҡ кәсептәре күргәҙмәһе ойошторола.

«URALFEST» проекты республика брендына әүерелер, тип ышана ойоштороусылар. Ул «Бөтә донъя фольклориадаһын-2020» үткәреүгә әҙерлек булып тора.

#бөтә донъя фольклориадаһы #бр башлығы гранттары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.