«Оркестрҙа уйнаусыларҙың баш ҡалаһы Өфөгә күсә» — «Урал ауазы» халыҡ-ара конкурс-фестиваленең жюри ағзалары

автор фотоһы

IMPORT Сервисный

ӨФӨ, 2016 йыл, 29 март. /«Башинформ» мәғлүмәт агентлығы, Ләйлә Аралбаева/. Өфөлә «Урал ауазы» III Халыҡ-ара оркестрҙар һәм халыҡ уйын ҡоралдары ансамблдәре конкурс-фестивале асылды. Фестивалгә арналған матбуғат конференцияһында халыҡ-ара жюри ағзалары уның үҙенсәлектәре хаҡында һөйләне.

«Быйыл конкурста 30 коллектив ҡатнаша, бындай хәлдең булғаны юҡ ине, — тип билдәләне «Урал ауазы» проектының авторы, Халыҡ уйын ҡоралдары милли оркестры етәксеһе Рәмил Ғәйзуллин. — Беҙ положениены бер аҙ үҙгәрттек. Әгәр уҙған йылдарҙа профессиональ коллективтар булһа, быйыл тәүге тапҡыр музыка мәктәптәренең балалар коллективтары һәм художестволы үҙешмәкәрлек өҫтәлде».

Мәскәүҙән, Башҡортостандан, Сыуашстандан, Удмуртиянан, Мордовиянан, Татарстандан, Силәбе өлкәһенән, Приморье крайынан, Азербайжандан, Ҡаҙағстандан, Белоруссиянан ҡатнашыусылар бар. Ғ.Әлмөхәмәтов исемендәге гимназияла конкурс тыңлауҙары башланды. Һөҙөмтәләр 31 мартта гала-концертта иғлан ителәсәк.

Фестивалде Ырымбур академия рус халыҡ хоры һәм Халыҡ уйын ҡоралдары милли оркестры асты. Халыҡ уйын ҡоралдары милли оркестрының концерты уның 15 йыллыҡ эшмәкәрлегенә йомғаҡ яһау булды.

«Программа бик үҙенсәлекле. Уға 15 йыл эсендәге иң яҡшы әҫәрҙәр ингән — Анатолий Кукубаевтың, донъя халыҡтарының музыкаһы яңғыраны. Оркестр даими үҫешә. Музыкаль программа сиктәрендә Шанхай хеҙмәттәшлек ойошмаһы саммитында сығыш яһағанда оркестрҙы юғары баһалауҙарын, етәкселектең ярҙам итеүен ишетеү бик ҡыуаныслы булды», — тип һөйләне «Садко» муниципаль рус оркестры етәксеһе һәм баш дирижеры, профессор Владимир Лавришин (Силәбе).

Фестивалдең төп сифаттарының береһе — оркестр репертуары менән алмашыу. Положениеға ярашлы, төрлө төбәктәрҙән килгән коллективтар башҡорт композиторҙарының әҫәрҙәрен башҡарырға тейеш.

«Илебеҙҙә ошоға оҡшаш конкурс юҡ. Хәҙер бәйге бөтә йүнәлештәрҙе лә үҙ эсенә алды: профессиональ, үҙешмәкәр, балалар коллективтары. Әкренләп оркестрҙа уйнаусыларҙың баш ҡалаһы Өфөгә күсә»», — тип йомғаҡ яһаны Владимир Лавришин.

#конкурс-фестиваль #башҡорт дәүләт филармонияһы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.