Четверг, 16 Апреля 2026

Уфа

+7 °С

Главное Иҡтисад Йәмғиәт Үҙебеҙҙекеләрҙе ташламайбыҙ Мәҙәниәт Сәйәсәт Спорт Хәл-ваҡиғалар

|Последние новости

Главная/Мәҙәниәт

11:35 (UTC+5), 25 Марта 2016

Өфөлә Башҡортостандың мәҙәниәт хеҙмәткәрҙәренә наградалар тапшырылды

Олег Яровиков

IMPORT Сервисный

ӨФӨ, 2016 йыл, 25 март. /«Башинформ» мәғлүмәт агентлығы, Гөлфиә Акулова/. 25 мартта Хөкүмәт йортонда республиканың мәҙәниәт хеҙмәткәрҙәренә атҡаҙанған һәм маҡтаулы исемдәр тапшырыу тантанаһы уҙҙы. Уны Башҡортостан Хөкүмәте Премьер-министры Салауат Сәғитов алып барҙы.

Башҡорт дәүләт филармонияһы артисы Вәлит Илембәтов, Өфөнөң Дим районындағы 3-сө балалар сәнғәт мәктәбе директоры урынбаҫары Надежда Мельникова, Калинин районындағы 5-се балалар музыка мәктәбе уҡытыусыһы Алла Теплова, 15-се музыка мәктәбе уҡытыусыһы Тәнзилә Шәймәрҙәнова, «Башҡортостан» киностудияһының Стәрлетамаҡ филиалы «Осҡон» кинотеатрының баш администраторы Ольга Щелкунова Башҡортостандың Почет грамотаһына лайыҡ булды.

Рәсәйҙең һәм Башҡортостандың атҡаҙанған сәнғәт эшмәкәре, Башҡортостандың Музыка берлеге рәйесе Нур Дауытовҡа, Башҡортостандың атҡаҙанған артисы, М.Кәрим исемендәге Милли йәштәр театры артисы Марат Ҡорбанғәлиевҡа «Башҡортостан Республикаһының халыҡ артисы» исеме бирелде.

«Айҙар» театр-студияһы музыканты Фәрүәз Килдеғолов, З.Исмәғилев исемендәге Өфө дәүләт сәнғәт институты доценты Валерий Скобелкин, Аксаков исемендәге мәҙәниәт һәм ял паркы аккомпаниаторы Илфат Яхин «Башҡортостандың атҡаҙанған сәнғәт эшмәкәре» исемен алды.

Башҡортостандың милли симфоник оркестры артистары Рифҡәт Ғабдрахманов, Денис Гранов, Стәрлетамаҡ театр-концерт берләшмәһенең нәфис һүҙ оҫтаһы Елена Федорова «Башҡортостан Республикаһының атҡаҙанған артисы» исеменә лайыҡ булды.

«Тап һеҙҙең еңел булмаған эшегеҙ һәм көндәлек хеҙмәтегеҙ арҡаһында республикалағы мәҙәниәт тураһында ғорурланып һөйләй алабыҙ. Мәҙәниәт, сәнғәт учреждениелары хеҙмәткәрҙәре һәр дәүләттең үҫешенә ҙур өлөш индерә», — тип ҡотланы мәҙәниәт хеҙмәткәрҙәрен Салауат Сәғитов.

1 из 10

#мәҙәниәт хеҙмәткәрҙәре көнө #бүләкләү

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.