«Шоңҡар» журналы Ҡәҙим Аралбайҙың ижадына арналған интернет-конкурс иғлан итте

IMPORT Сервисный

ӨФӨ, 2016 йыл, 24 март. /«Башинформ» мәғлүмәт агентлығы, Әлим Фәйезов/. «Шоңҡар» республика йәштәр журналы «Башҡортостан — аҡ тирмәләр иле» исемле интернет-конкурс иғлан итте. Бәйге Башҡортостандың халыҡ шағиры, Салауат Юлаев исемендәге дәүләт премияһы лауреаты Ҡәҙим Аралбайҙың ижадына арналған. Быйыл ул 75 йәшлек юбилейын билдәләй.

Конкурста ҡатнашырға теләүселәр шағир яҙған иң яратҡан шиғырҙы яттан һөйләргә һәм видеояҙманы «Бәйләнештә» социаль селтәрендәге төркөмгә ебәрергә тейеш. Еңеүселәр жюри ағзаларының фекере һәм видеороликтар йыйған тауыштар иҫәбе буйынса билдәләнә. Беренсе урын өсөн — фотоаппарат, өс икенсе урын өсөн — «БашАрт»тан Ҡәҙим Аралбайҙың шиғыр юлдары менән биҙәлгән футболка, өсөнсө урын өсөн — редакциянан иҫтәлекле бүләктәр. Һәр ҡатнашыусыға рәхмәт ҡағыҙы тапшырыла. Бәйгеселәр икенсе ярты йыллыҡҡа «Шоңҡар» журналына мотлаҡ яҙылырға тейеш.

Жюри составына Ҡәҙим Аралбай, «Шоңҡар» журналының баш мөхәррире Мөнир Ҡунафин, «Ағиҙел» журналының яуаплы секретары Дамир Шәрәфетдинов, яҙыусы Фәрзәнә Аҡбулатова һәм шағирҙың ҡыҙы, «Башинформ» агентлығы күҙәтеүсеһе Ләйлә Аралбаева ингән.

«Ҡәҙим Аралбай — заманыбыҙҙың иң сағыу һүҙ оҫталарының береһе. Уның һәр яңы шиғыры йәки поэмаһы мөһим рухи-мәҙәни, милли, әхлаҡи-этик мәсьәләләргә бағышланған. Ҡыйыулыҡ һәм тәүәккәллек — Ҡәҙим Аралбай шиғриәтенең төп сифаттары. Тап ана шуның өсөн яраталар ҙа шағирҙы киң ҡатлам уҡыусылар», — тип билдәләнеләр конкурсты ойоштороусылар.

#шиғриәт #интернет-конкурс

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.