Өфөлә ШОС илдәре йондоҙҙары ҡатнашлығында Науруз байрамы уҙҙы

Олег Яровиков

ӨФӨ, 2016 йыл, 22 март. /«Башинформ» мәғлүмәт агентлығы, Ләйлә Аралбаева/. Быйыл Науруз байрамы «Башҡортостан» дәүләт концерт залында үтте. Республиканың төп концерт залында төбәктә йәшәүсе төрлө халыҡтарҙың вәкилдәре йыйылды. Күптәр милли кейемдә килгән, улар туған телендә бер-береһен байрам менән ҡотланы, бүләктәр бирҙе.

Ҙур концерт программаһы халыҡ-ара форматта уҙҙы. Төп кешелек ҡиммәттәренең береһе булараҡ халыҡтар дуҫлығын данлау байрамдың төп идеяһы булды. Байрамды Шанхай хеҙмәттәшлек ойошмаһы илдәренең төрки халыҡтары эстрадаһы йондоҙҙары сығышы биҙәне.

Һәр сығыш яһаусы тамашасыларға туған мәҙәниәтенең, үҙенсәлекле милли сәнғәтенең бер өлөшөн бүләк итте. Үзбәкстандың халыҡ артисы Мансур Ташматов «Ташкент — Көнсығыш йондоҙо» йырын башҡарҙы. Ҡырғыҙстан ҡунағы Курал Чокоев 2014 йылда «Урал моңо» халыҡ-ара конкурсында ҡатнашҡан ваҡытта уҡ баш ҡала тамашасыларының һөйөүен яуланы. Был юлы йырсы «Ой тобо» йырын бүләк итте. Өфөләге иң әүҙем диаспораларҙың береһе — тажиктар. Тап уларҙың әүҙемлеге арҡаһында Тажикстан йырсыһы Саъдии Буризод быйыл да яҙғы байрамды Өфөлә ҡаршыланы. Ул тамашасыларҙы «Науруз» халыҡ йыры менән ҡаршы алды. Азербайжан мәҙәниәте менән йәш эстрада йырсыһы Мехмен Тагиев таныштырҙы. Татарстандан Алина Шәрифйәнова, Мәскәүҙән Рэдик Ефремов һәм Вадим Захаров башҡарыуында башҡорт, татар, сыуаш йырҙары яңғыраны.

«Мираҫ» йыр һәм бейеү фольклор ансамбле, «Арғымаҡ» этно-рок төркөмө, «Карауан-һарай» студияһы, йырсылар Гөлсөм Бикбулатова, Иҙрис Ғәзиев, Дияна Ишниязова, Марсель Ҡотоев, ҡурайсы Ишморат Илбәков башҡорт сәнғәтен лайыҡлы күрһәтте.

Сараны ойоштороусылар булып Башҡортостандың Мәҙәниәт министрлығы, Халыҡтар дуҫлығы йорто, республика халыҡтары ассамблеяһы һәм Бөтә донъя башҡорттары ҡоролтайы сығыш яһаны.

1 из 10

#байрамдар #концерттар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.