Рәсәй киноһы йылы уңайынан төбәктә Хәлисә һәм Марсэн Мөхәмәҙиевтар менән ижади осрашыу ойошторолдо

IMPORT Сервисный

ӨФӨ, 2016 йыл, 17 март. /«Башинформ» мәғлүмәт агентлығы, Ләйлә Аралбаева/. Нуриман районында Рәсәй киноһы йылына арналған сара уҙғарылды.

Район Мәҙәниәт йортоноң ҙур залына өлкән класс уҡыусылары, уҡытыусылар, мәҙәниәт хеҙмәткәрҙәре, һуғыш, хеҙмәт ветерандары һәм кино һөйөүселәр йыйылды.

Башҡортостан Кинематографистар союзы рәйесе Фәрит Ғәбитов тамашасыларҙы Рәсәй киноһы йылы менән ҡотланы. Ул республикала киномарафон башланыуы, башҡорт киноһының үҫеше, ошо сәнғәттең йәмғиәт тормошонда ниндәй мөһим урын биләүе хаҡында һөйләне.

Тамашасылар Чехословакия Геройы, Ян Жижка исемендәге партизандар бригадаһы командиры Даян Мурзин тураһында «Ҡара генерал» тигән документаль фильм ҡараны. Һуңынан сценарий авторы — Нуриман районында тыуып үҫкән тележурналист, атҡаҙанған матбуғат һәм киң мәғлүмәт хеҙмәткәре Хәлисә Мөхәмәҙиева һәм ҡуйыусы-оператор, Рәсәй Кинематографистар союзы ағзаһы Марсэн Мөхәмәҙиев менән осрашыу булды. Улар фильмды нисек төшөрөүҙәре хаҡында һөйләне, тамашасыларҙың һорауҙарына яуап бирҙе.

Осрашыуҙың икенсе өлөшө нуримандарҙың яҡташы Ғата Имаевҡа бағышланды. Ул 26 йыл Башҡортостан телевидениеһы студияһы директоры булып эшләгән. Тамашасылар иғтибарына Ғата Шәйхетдин улының «Өмөт» фильмы тәҡдим ителде. Имаевтың сценарийы буйынса төшөрөлгән кинотаҫмалар һәм тапшырыуҙар юғары наградаларға лайыҡ булған. «Сәскә ат, Башҡортостан» фильмы Мәскәүҙә инглиз теленә тәржемә ителгән, төрлө илдәрҙә күрһәтелгән.

«Фильмды ҡарағандан һуң фекер алышыу ойошторолдо, — тип һөйләне Хәлисә Мөхәмәҙиева. — Башҡортостандың атҡаҙанған мәҙәниәт хеҙмәткәре Фәнил Ҡоҙаҡаев Ғата Имаев менән бергә эшләгән йылдары тураһында хәтирәләре менән уртаҡлашты. Режиссер, Башҡортостан юлдаш телеканалында барған «Эҙәрмән» тапшырыуы авторы Булат Кәримовтың сығышы тамашасыларҙа айырыуса ҡыҙыҡһыныу уятты. «Ул миндә тыуған яҡҡа, кешеләргә һөйөү тойғоһон тәрбиәләне», — тип һөйләне ул.

Осрашыу аҙағында ирле-ҡатынлы Мөхәмәҙиевтар Нуриман районы музейына Ғата Имаевҡа арналған планшет бүләк итте (фотоһүрәттәр авторы — Марсэн Мөхәмәҙиев). Хакимиәт башлығы урынбаҫары Миләүшә Әхтәмйәнова ҡунаҡтарға халыҡ исеменән ҙур рәхмәт белдерҙе, урындағы композитор Миләүшә Имашева «Нуриманым» йырын башҡарҙы.

#кино #ижади осрашыу

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.