Баш ҡалала тәүге тапҡыр Рөстәм Шәрипов иҫтәлегенә республика ҡурайсылар конкурсы уҙғарыла

ӨФӨ, 2016 йыл, 16 март. /«Башинформ» мәғлүмәт агентлығы, Ләйлә Аралбаева/. 18 мартта Өфөлә тәүге тапҡыр Рөстәм Шәрипов иҫтәлегенә республика ҡурайсылар конкурсы уҙғарыла. Ойоштороусылар хәбәр итеүенсә, конкурсҡа 80-дән ашыу ғариза килгән. Инвалидтар ижады йортонда профессиональ һәм үҙешмәкәр музыканттар сығыш яһай. Улар ике йәш категорияһында (16 йәшкә тиклем һәм 16 йәштән өлкән) ярыша. Ҡатнашыусыларҙы танылған ҡурайсы Азат Айытҡолов етәкселегендәге жюри баһалай. Жюри составында музыка донъяһының абруйлы вәкилдәре Ришат Рәхимов, Юлай Ғәйнетдинов, Венер Йылҡыбаев бар.

Конкурстың маҡсаты — 2013 йылда 36 йәшендә ваҡытһыҙ арабыҙҙан киткән ҡурайсы, «Далан» төркөмө солисы Рөстәм Шәриповтың иҫтәлеген мәңгеләштереү, ҡурайҙа уйнауҙы пропагандалау, яңы исемдәр асыу. Сараны өс-биш йылға бер тапҡыр ойоштороу күҙаллана.

Бәйге Башҡорт дәүләт филармонияһында Рөстәм Шәриповтың «Ҡурай моңо — йәшәү йәме» тип аталған хәтер кисәһе менән тамамлана. Программала Азат Айытҡолов, «Мираҫ» йыр һәм бейеү фольклор ансамбле, «Арғымаҡ» этно-төркөмө, Марсель Сәйетов, Юнир Һағынбаев, Сәйет Билалов һәм башҡа артистарҙың сығышы ҡаралған.

Ойоштороусылар — Йылайыр районы йәштәре союзы, республиканың Ҡурайсылар союзы, Йылайыр районы хакимиәте, Бөтә донъя башҡорттары ҡоролтайының башҡарма комитеты һәм Республика халыҡ ижады үҙәге.

#ҡурайсылар конкурсы #хәтер

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.