Өфөлә Науруз байрамында ШОС илдәренең эстрада йондоҙҙары ҡатнаша

IMPORT Сервисный

ӨФӨ, 2016 йыл, 11 март. /«Башинформ» мәғлүмәт агентлығы, Ләйлә Аралбаева/. Өфөлә ШОС илдәренең эстрада йондоҙҙары ҡатнашлығындағы ҙур концерт Науруз байрамына арнала. 21 мартта республикала йәшәүсе төрлө халыҡ вәкилдәре «Башҡортостан» дәүләт концерт залына йыйыла. Сара Башҡортостан Мәҙәниәт министрлығы, Халыҡтар дуҫлығы йорто, Республика халыҡтары ассамблеяһы һәм Бөтә донъя башҡорттары ҡоролтайы ярҙамында ойошторола.

«Республика етәкселегенең емешле эшмәкәрлеге арҡаһында Башҡортостанды лайыҡлы рәүештә халыҡ-ара хеҙмәттәшлек, тыныслыҡ һәм татыулыҡ үҙәге тип атайҙар. Өфөлә уҙған ШОС һәм БРИКС саммиттары партнерлыҡ һәм мәҙәни мөнәсәбәттәрҙе киңәйтергә ярҙам итә», — тине проектты ойоштороусы, Башҡортостандың атҡаҙанған сәнғәт эшмәкәре Айгөл Әхмәҙиева.

Концертта махсус саҡырылған ҡунаҡтар: Нурбулат Абдуллин (Ҡаҙағстан), Үзбәкстандың халыҡ артисы Мансур Ташматов, «Урал моңо-2014» халыҡ-ара конкурсы лауреаты Коралы Чокоев (Ҡырғыҙстан), Саъдии Буризод (Тажикстан), «Turkvision-2013» халыҡ-ара конкурсы лауреаты Алина Шәрифйәнова (Татарстан), Рэдик Ефремов (Мәскәү) ҡатнаша. Сәхнәлә шулай уҡ республиканың эстрада йырсылары һәм бейеү коллективтары — Фәйзи Ғәскәров исемендәге халыҡ бейеүҙәре ансамбле, «Мираҫ» йыр һәм бейеү фольклор ансамбле, «Арғымаҡ» этно-рок, «Премьер-квартет» төркөмдәре сығыш яһай. Сара сиктәрендә төбәк йәмәғәт ойошмалары, төрлө халыҡтарҙың милли-мәҙәни үҙәктәре күргәҙмәләр ойоштора.

«Маҡсатыбыҙ — туғандаш республикаларҙы бергә туплау. Башҡортостанда йәшәгән милли диаспораларға тыуған яҡтарының бер өлөшөн күрһәтергә, илдәребеҙ араһында мәҙәни мөнәсәбәттәрҙе байытырға теләйбеҙ», — тип билдәләне концерттың продюсеры Зәлифә Барлыбаева.

Концерттың генераль мәғлүмәт партнеры — «Туған тел» телекомпанияһы.

#байрамдар #науруз #шос илдәре

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.