Баш ҡалала «Һылыуҡай» бәйгеһенең финалын ысын шоуға әйләндерергә вәғәҙәләйҙәр

IMPORT Сервисный

ӨФӨ, 2016 йыл, 10 март. /«Башинформ» мәғлүмәт агентлығы, Ләйлә Аралбаева/. Башҡортостанда 24-се тапҡыр «Һылыуҡай» гүзәллек конкурсы ойошторола. Бәйгенең финалы иһә 19 апрелдә «Башҡортостан» дәүләт концерт залында уҙа.

Ойоштороусылар хәбәр итеүенсә, конкурста сағыу декорациялар, костюмдар буласаҡ һәм яңы музыкаль композициялар яңғыраясаҡ. Ҡыҙҙар йыр-бейеүгә маһирлығын күрһәтәсәк, уй-хыялдары менән бүлешәсәк һәм башҡорт дизайнерҙарының яңы коллекцияһын тәҡдим итәсәк.

Ғәҙәттәгесә, финалға бер аҙна ҡалғас, «Туған тел» каналында «Һылыуҡай» көндәлеге» эфирға сыға. Бәйгесе һәр серияла оратор һәм актриса булараҡ асыла ала. Тапшырыу Өфө урамдарында һәм йәштәр ял итергә яратҡан урындарҙа төшөрөлә.

«Был конкурс — гүзәллек һәм ижад байрамы. Һис шикһеҙ, ул мөһим социаль әһәмиәткә эйә, сәләмәт йәшәү рәүешен, ғаилә ҡиммәттәрен һәм әсәлекте пропагандалай», — тине сараны ойоштороусыларҙың береһе Айгөл Үтәгәнова.

Һайлап алыу туры 2 апрелдә көндөҙгө сәғәт 11-ҙә «Театро» клубында уҙа. Финалға 12-15 сибәркәй сығасаҡ. Ентеклерәк мәғлүмәтте «Бәйләнештә» сайтындағы рәсми төркөмдә табырға була.

«Һылыуҡай» республика конкурсы — Рәсәйҙә иң оҙайлы һәм ғөрөф-ғәҙәттәрҙе дауам итеүсе берҙән-бер милли проект. Ойоштороусылар — Башҡортостандың Мәҙәниәт министрлығы, Республика халыҡ ижады үҙәге һәм «Туған тел» телеканалы.

Күптән түгел Мәскәү һәм Санкт-Петербург ҡалаларында ла ошондай уҡ бәйге ойошторола башланы. 6 мартта Мәскәүҙә Илнара Ниязғолова башҡорт һылыуҡайы исемен яуланы. Ул ҡиммәтле бүләктәр һәм республика конкурсының финалына юллама алды. Санкт-Петербургта был конкурс 12 мартта үткәрелә.

#гүзәллек бәйгеһе

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.