Өфөлә исеме донъя күләмендә билдәле ҡумыҙсы Роберт Заһретдинов арабыҙҙан китте

Башҡортостан Мәҙәниәт министрлығының матбуғат хеҙмәте

IMPORT Сервисный

ӨФӨ, 2016 йыл, 1 март. /«Башинформ» мәғлүмәт агентлығы, Ләйлә Аралбаева/. Уҙған төндә Өфөлә билдәле ҡумыҙсы, педагог Роберт Заһретдинов оҙаҡ ауырығандан һуң 84-се йәшендә донъя ҡуйҙы. Мәрхүм менән хушлашыу иртәгә, 2 мартта, сәғәт 11-ҙә Башҡорт дәүләт филармонияһында үтә. Адресы: Гоголь урамы, 58.

Роберт Абдрахман улы Заһретдинов 1932 йылдың 16 декабрендә Мәсетле районының Әжекәй ауылында тыуған. Өфө сәнғәт училищеһының халыҡ инструменттары бүлеген, Свердловск музыка-педагогия институтын тамамлаған. 1969 йылда Роберт Заһретдинов Өфөләге музыка-педагогия училищеһында эшләй башлай. Ошо осорҙа унда ҡумыҙға ҡыҙыҡһыныу уяна. Музыкант уйын ҡоралын үҙе яһай, камиллаштыра башлай.

1991 йылда Якутск ҡалаһында үткән Бөтә донъя халыҡ-ара халыҡ уйын ҡоралдары фестивалендә «Донъяның виртуоз ҡумыҙсыһы» исеменә лайыҡ була. 1998 йылда музыкант жюри ағзаһы булараҡ Австрияға халыҡ-ара фестиваленә саҡырыла. Бында ул «Ҡумыҙ буйынса халыҡ-ара класлы оҫта» тигән маҡтаулы исем ала, был уға донъяның теләһә ниндәй музыка уҡыу йортонда оҫталыҡ дәресе күрһәтеү мөмкинлеге бирә. Австрия, Бельгия, Болгария, Голландия, Польша, Швейцария илдәрендә оҫталыҡ дәрестәре ойошторола. Роберт Заһретдинов Германияға, Италияға, Монголияға, Норвегияға, Швейцарияға, Финляндияға гастролдәр менән бара.

Роберт Заһретдиновтың репертуарында 200-ҙән ашыу әҫәр: рус, башҡорт, сит ил композиторҙары әҫәрҙәренең ҡумыҙ өсөн эшкәртмәләре, башҡорт халыҡ йырҙарына инструменталь варианттар, үҙенсәлекле импровизация һәм үҙенең әҫәрҙәре бар.

Заһретдинов 1996 йылда Морат Әхмәтовтың «Варган-симфонияһы»нда ҡумыҙ партияһын тәүге башҡарыусы була. 50-нән ашыу йыр һәм инструменталь пьеса, шул иҫәптән ҡумыҙ, ҡурай һәм ҡумыҙ, баян өсөн әҫәрҙәр авторы.

Ул «Ҡумыҙҙа уйнау мәктәбе» уҡыу-методик әсбабын яҙған. Ошо китабы өсөн Д.Сорос исемендәге халыҡ-ара премияһына лайыҡ була. Ижады «Мелодия» фирмаһының компакт-дискыһына, пластинкаларына яҙылған, Башҡортостан радио һәм телевидениеһы фондында һаҡлана. «Варган» альбомында (уны интернетта табырға мөмкин) музыкант башҡарыуында 30-ға яҡын композиция һәм импровизация бар.

Мәҙәниәт өлкәһендәге хеҙмәттәре өсөн Роберт Заһретдиновҡа Рәсәйҙең һәм Башҡортостандың атҡаҙанған мәҙәниәт хеҙмәткәре тигән маҡтаулы исем бирелгән. Ул Рәсәйҙең һәм Башҡортостандың мәғариф отличнигы. Башҡортостандың Салауат Юлаев исемендәге дәүләт премияһы лауреаты.

#юғалтыуҙар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.