«Ҡул ҡыҫышыу» халыҡ-ара кинофорумында өфөләр милләт-ара мөнәсәбәттәр тураһында иң яҡшы 18 фильм ҡарай ала

Олег Яровиков

ӨФӨ, 2016 йыл, 15 февраль. /«Башинформ» мәғлүмәт агентлығы, Ләйлә Аралбаева/. Бөгөн Өфөлә Николай Киселев исемендәге «Ҡул ҡыҫышыу» халыҡ-ара кинофорумы асылды. 15 февралдән 17-нә тиклем милләт-ара мөнәсәбәттәр тураһында иң яҡшы фильмдар баш ҡаланың «Родина» кинотеатрында бушлай күрһәтелә. «Башинформ» агентлығының конференциялар залында ойоштороусылар һәм ҡатнашыусылар форумдың үҙенсәлектәре хаҡында һөйләне.

Сараның программаһына 10 документаль һәм һигеҙ уйын фильмдары ингән. Фильмдарҙы ҡарағандан һуң фекер алышыу буласаҡ. БРИКС ойошмаһы дәүләттәре — Ҡытай һәм Һиндостан фильмдарын күрһәтеү форумға халыҡ-ара статусын бирә. 2016 йылдың 15 февраленән Рәсәй БРИКС-та рәйеслек итеүен тамамлай һәм Өфө ойошманың киләһе саммитын үткәреү хоҡуғын Һиндостанға тапшыра. Шуға бәйле форумға һинд кино эшмәкәрҙәре саҡырылған.

«Фильмдарҙы фестивалдең арт-директоры, «МК» гәзитенең кино күҙәтеүсеһе Светлана Коплякова менән һайланыҡ. Төп урында милләт-ара мөнәсәбәттәр булырға тейеш. Дөйөм алғанда, илдәге проблематика торошо», — тип билдәләне кинофорум етәксеһе Элла Митина.

Сара Башҡортостандың Благовещен районында тыуып үҫкән партизан Николай Киселевтың иҫтәлегенә арнала. Бөйөк Ватан һуғышы йылдарында ул Долгиново ауылынан 218 йәһүдте фронт линияһы аша алып сыға. «Башҡорт Шиндлеры» иҫтәлегенә уҙғарылған кинофорумдың девизы — «Ҡул ҡыҫышыу — килешеүгә, татыулыҡҡа һәм берҙәмлеккә тәүге аҙым».

Рәсәй киноһы йылында кинофорум Өфө, Ярославль, Ҡазан, Дондағы Ростов, Симферополь һәм Мәскәү ҡалаларында уҙа. Сараны ойоштороусылар — «Йәһүдтәрҙең федераль милли-мәҙәни автономияһы» (ФЕНКА) йәмәғәт ойошмаһы һәм Мәскәүҙең «АБ-ТВ» телекомпанияһы. Проект тураһында тулыраҡ мәғлүмәт — уның рәсми сайтында.

1 из 5

#кино #халыҡ-ара кинофорум

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.