Баш ҡалала «Балҡантау рухы» исемле фантастик повесть донъя күрҙе

IMPORT Сервисный

ӨФӨ, 2016 йыл, 8 февраль. /«Башинформ» мәғлүмәт агентлығы, Ләйлә Аралбаева/. Зәйнәб Биишева исемендәге «Китап» нәшриәтендә танылған шағирә һәм журналист Лариса Абдуллинаның «Балҡантау рухы» китабы донъя күрҙе. Китапҡа уҡыусылар өсөн фантастик повесть ингән.

Өс үҫмер Салауат, Айбулат һәм Хансура тылсымлы тауҙың эсенә килеп инә һәм бер нисек тә унан сыға алмай. Малайҙарҙы ҡыҙыҡлы мажаралар көтә: улар атайҙарының бала сағына барып эләгә, Асылыкүл төбөнә төшә, иң яҡшы компьютерҙың кешегә оҡшаш итеп яһалғанлығын белә. Һынауҙар аша үткәс, үҫмерҙәр шәжәрәләрен белгән осраҡта ғына тауҙан сыға аласағын аңлай.

«Беҙҙең быуын «Бәләкәй принц» йәки «Зөбәржәт ҡала тылсымсыһы» китаптарын уҡып үҫте. Хәҙерге үҫмерҙәр уҡымай тиерлек. Мин тап балалар өсөн ҡыҙыҡлы китап яҙырға теләнем. Бик күп шиғырҙар, романдар яҙабыҙ, әммә һәр яҙыусы балалар өсөн бер әҫәр булһа ла ижад итмәһә, тиҙҙән уҡыусыларыбыҙҙың ҡалмауы ихтимал, — тип иҫәпләй Лариса Абдуллина. — Миңә балаларҙың повесымды нисек ҡабул итеүе ҡыҙыҡ. Ике улымдың да китаптағы ваҡиғаларға мөнәсәбәте ҡапма-ҡаршы булды».

Лариса Абдуллинаның яңы китабы яҡшы баһа алды. Благовар районында уҡыусылар менән осрашыу, яңы китап тураһында фекер алышыу ойошторолдо. Рәсимә Ураҡсина исемендәге фонд Дәүләкән районы (яҙыусының тыуған яғы) китапханаларына 20 дана китап бүләк итте. Бөгөн Башҡортостандың Мәғарифты үҫтереү институтында «Балҡантау рухы» китабы буйынса асыҡ дәрес күрһәтелә.

#китап сығарыу

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.