Башҡорт телен бөтөнләй белмәгән ирекмән Башҡорт Википедияһына 16 мәҡәлә яҙған

IMPORT Сервисный

ӨФӨ, 2016 йыл, 29 ғинуар. /«Башинформ» мәғлүмәт агентлығы, Алик Шакиров/. «Башҡортостан Викимедиясылары» ирекмәндәр төркөмө ойошторған «Башҡорт журналистары — Башҡорт Википедияһы авангардында!» тип аталған викимарафонға йомғаҡ яһалды. Сара Рәсәй матбуғаты көнөнә һәм виртуаль энциклопедияның 15 йыллығына арналды. Ирекмәндәр башланғысын республиканың Матбуғат һәм киң мәғлүмәт саралары агентлығы һәм Журналистар союзы ла хупланы.

Марафондың маҡсаты журналистар араһынан яңы мөхәррирҙәр табыу һәм Башҡорт Википедияһын республикала, тәү сиратта башҡорт телендә нәшер ителгән йәки тапшырыуҙар алып барған киң мәғлүмәт саралары тураһындағы мәҡәләләр менән тулыландырыу ине.

«Сараны ойоштороусылар — республика баҫмалары журналистары — Башҡорт Википедияһына үҙҙәренең һөнәрҙәштәрен йәлеп итеп, уларға мәҡәләләр әҙерләүҙә ярҙам күрһәтте. Һөҙөмтәлә Башҡорт Википедияһы яңы 150 мәҡәлә менән тулыланды, шуларҙың 108-е викимарафон талаптарына тулыһынса тап килә. Бынан тыш, элек яҙылған алты мәҡәлә тулыландырылып, сара иҫәбенә индерелде», — тип һөйләне «Башинформ» агентлығына Башҡорт Википедияһы администраторы Рөстәм Нурыев.

Уның һүҙҙәренсә, 14 ҡатнашыусы араһынан биш һәм унан да күберәк мәҡәлә яҙған журналистар Alfiya55, Айсар, З.Әйле һәм Мөхәмәҙиева еңеүсе булды. Ҡалған ҡатнашыусылар араһынан Ләйсән, visem һәм яңыраҡ ҡына ирекмәндәр рәтен тулыландырған Янмырҙа Баҡый айырылып торҙо.

«Айырыуса башҡорт телен бөтөнләй белмәгән visem ҡушаматлы мөхәррирҙе билдәләп үтергә кәрәк. Ул Башҡорт Википедияһын үҫтереүгә һиҙелерлек өлөш индерҙе, ниндәйҙер сәбәп табып һаман да Башҡорт Википедияһына ҡушылмаусыларға өлгө күрһәтте: теләк һәм маҡсат булғанда һәр төрлө ҡаршылыҡты еңеп булыуын раҫланы. Ул 16 яңы мәҡәлә яҙған, шуларҙың бишәүһе бәйге шарттарына тулыһынса яуап биргәнлектән, викимарафон иҫәбенә ҡабул ителде», — тине Рөстәм Нурыев.

Бәйге йомғаҡтары буйынса әүҙем мөхәррирҙәргә махсус сертификаттар һәм ҡиммәтле бүләктәр тапшырыласаҡ.

#википедия #конкурс

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.