Башҡортостанда Рәсәй киноһы йылы «фильм төшөрөү»ҙән башланды

автор фотоһы

IMPORT Сервисный

ӨФӨ, 2016 йыл, 25 ғинуар. /«Башинформ» мәғлүмәт агентлығы, Ләйлә Аралбаева/. Бөгөн Өфөләге «Родина» кинотеатрында Башҡортостанда Рәсәй киноһы йылын асыу тантанаһы булды. Байрам программаһы «фильм төшөрөү» һәм «хлопушка» тип аталған ҡулайлама менән асылды. Тантанаға килеүселәрҙең барыһы ла: режиссерҙар, операторҙар, актерҙар, тармаҡ ветерандары һәм мәҙәниәт эшмәкәрҙәре рельстар буйлап йөрөгән кино камераһы тоҫҡауына эләкте. Һәммәһе лә Рәсәй Кинематография үҙәгенә ҡыҙыл келәмдән атлап инде.

Ойоштороусылар кинематографтарҙың штативҡа тәрилкәне һуғып ватыу йолаһын да үтәне. Танылған кино эшмәкәрҙәренең автографтары ҡуйылған тәрилкә киҫәктәрен һәр кем үҙенә иҫтәлеккә алды. Илебеҙ кинематографияһын үҫтереүгә арналған викторина тәүге тауышһыҙ, Рәсәй һәм башҡорт фильмдары хаҡында иҫкә төшөрҙө.

Башҡортостандың мәҙәниәт министры Әминә Шафиҡова йыйылыусыларҙы ҡотлап, Республика киномарафонының башланыуы тураһында иғлан итте. Унда республикала ҡалалары һәм райондары ҡатнаша. Тәүгеләрҙән булып эстафетаны Сибай ҡалаһы ҡабул итә, 2016 йылдың декабрендә йыл символы Өфөгә әйләнеп ҡайта.

«Рәсәй киноһы йылы республикабыҙҙа тәүге кино күрһәтеүгә 115 йыл тулыуға тура килде. Былтыр иһә халыҡ-ара «Көмөш Аҡбуҙат» милли һәм этник кино фестивален үткәреүгә башланғыс һалған «Башҡортостан» киностудияһының 25 йыллығын билдәләнек, — тине министр. — Йыл һуңында халыҡтың илебеҙҙә төшөрөлгән фильмдарға ҡыҙыҡһыныуы артыр тип өмөтләнәм».

Байрамдың рәсми өлөшөнән һуң Айнур Асҡаровтың «Әсә» фильмы күрһәтелде. Көн дауамында тамашасылар «Родина» кинотеатрында, шулай уҡ «Простор» һәм «Мегаполис» кинокомплекстарында «Башҡортостан» киностудияһының анимацион, документаль, нәфис фильмдарын ҡарай ала.

1 из 6

#рәсәй киноһы йылы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.