Мәскәүҙә башҡорт һылыуҡайын һайлайҙар

ӨФӨ, 2016 йыл, 21 ғинуар. /«Башинформ» мәғлүмәт агентлығы, Ләйлә Аралбаева/. Илебеҙҙең баш ҡалаһында «Мәскәү һылыуҡайы-2016» гүзәллек бәйгеһендә ҡатнашыу өсөн кастинг иғлан ителгән. Тәүге һайлап алыу турында туған телен яҡшы белгән, йыр-бейеүгә һәләтле, шиғырҙар яҙған 16-24 йәштәге ҡыҙҙар ҡатнаша ала. Ҡатнашыу өсөн «Бәйләнештә» «Фотокастинг-2016» тигән махсус альбомда фотоһүрәттәрегеҙҙе урынлаштырырға кәрәк.

Фотоларын ебәргән гүзәлдәрҙең барыһы ла киләһе турға үтә. Унда иң сибәр башҡорт ҡыҙы исеменә дәғүә итеүселәрҙе үҙҙәре менән таныштырыу, бейеү, дефиле, интервью кеүек һынауҙар көтә.

Башҡорт һылыуҡайын конкурстың режиссеры Гөлнара Ибраҡова, ойоштороусылар Фатима Янбаева, Азат Бадранов, хореограф Нәзир Байегетов, режиссер һәм Башҡортостан юлдаш телеканалының махсус хәбәрсеһе Гөлназ Ғәлимуллина, 2014 йылда еңеүсе булған Әлфиә Килдейәрова, топ-модель Анжелика Якусева һайлаясаҡ. Финалды 5 мартта уҙғарыу күҙаллана. Еңеүсе «Һылыуҡай-2016» республика матурлыҡ бәйгеһендә ҡатнаша.

«Беҙ йыл һайын ойошторолған күркәм сараға әҙерләнә башланыҡ. Башҡорт һылыуҡайҙары конкурсы Мәскәүҙә 2013 йылдан бирле үткәрелә. Бәйгене «Сулпан» ижад студияһы ағзалары әҙерләй. Интернетта фотокастинг иғлан иттек», — тип һөйләне конкурстың режиссеры һәм жюри ағзаһы Гөлнара Ибраҡова.

Теги:гүзәллек бәйгеһе

Читайте нас:

Рубрики

Электрон почта

inf@bashinform.ru

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

ok@bashinform.ru

© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Об использовании персональных данных

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».