«Башҡортостан ҡыҙы» журналы йылға йомғаҡ яһаны һәм лауреаттарҙы бүләкләне

IMPORT Сервисный

ӨФӨ, 2015 йыл, 23 декабрь. /«Башинформ» мәғлүмәт агентлығы/. 22 декабрҙә Өфөләге «Театро» клубында «Башҡортостан ҡыҙы» журналы йылға йомғаҡ яһаны. Сарала йыл дауамында редакция ойошторған төрлө конкурстарҙа еңеүселәр билдәләнде һәм йыл лауреаттары бүләкләнде. Залда баҫманың дуҫтары, республиканың күренекле ҡатын-ҡыҙҙары, йыйылды, улар араһында — Башҡортостандың халыҡ шағиры Гөлфиә Юнысова-Иҙелбаева, «Башҡортостан Республикаһы» нәшриәт йорто етәксеһе Венера Хәкимова, Матбуғат һәм киң мәғлүмәт саралары агентлығының баш белгесе Нилә Ғәйнетдинова, шағирә Гүзәл Ситдиҡова, Башҡорт ҡатын-ҡыҙҙары ойошмаһы рәйесе Рәшиҙә Солтанова һәм уның урынбаҫары Гөлнур Ҡолһарина, профессор, филология фәндәре докторы Зәйтүнә Шәрипова, Башҡортостандың Дәүләт Йыйылышы депутаты Руфина Шаһапова. Кисәне журналдың баш мөхәррире, шағирә Гөлназ Ҡотоева алып барҙы.

2015 йылда журнал лауреаттары исеменә «Ҡәҙер кисе» хикәйәһе өсөн Мәҙинә Йәғәфәрова, «Ер шары буйлап» мәҡәләләр циклы өсөн Рим Хажин, «Көнсығыштың бөйөк ҡатындары» рубрикаһындағы мәҡәләләре өсөн баҫманың журналисы Гөлнара Хәлфетдинова, йыл дауамында журналдың эшмәкәрлеген яҡтыртҡаны һәм «Ҡояшлы һәм ҡунаҡсыл Баҡыға сәйәхәт» исемле мәҡәләһе өсөн «Башинформ» агентлығы күҙәтеүсеһе Ләйлә Аралбаева, «Камиллыҡҡа ынтылыш» рубрикаһын алып барғаны өсөн дизайнер Сайма Хәсәнова лайыҡ булды.

Сара барышында 50-гә яҡын ҡатын-ҡыҙ — Башҡортостандың төрлө райондары һәм Рәсәй төбәктәре вәкилдәре бүләкләнде. Ҡул эше оҫталары, Әҙәбиәт йылына, Бөйөк Еңеүҙең 70 йыллығына бағышланған конкурстарҙа, «Әсә йөрәге» шиғырҙар бәйгеһендә еңеүселәргә иҫтәлекле бүләктәр һәм дипломдар тапшырылды. «Башҡортостан ҡыҙы» журналына яҙылыуҙа — Ишембай, конкурстарҙа ҡатнашыу буйынса Бөрйән һәм Әбйәлил райондары әүҙемлек күрһәтте.

Байрамға килеүселәрҙең һәммәһе лә сәй һәм ҡоймаҡ менән һыйланды. Улар өсөн артистар Сәйҙә Ильясова, Әлфиә Юлсурина, Светлана Сөләймәнова сығыш яһаны. Өфөлә йәшәүсе азербайжан шағиры Балоглан Джалиль һәм башҡа шағирҙар үҙҙәренең шиғырҙарын уҡыны. Сара һуңында «Башҡортостан ҡыҙы» журналы тышлығында сыҡҡан ҡатын-ҡыҙҙар сәхнәлә дефиле күрһәтте. Йыйылыусылар фекеренсә, кисә ысын мәғәнәһендә гүзәллек, нәфислек һәм оҫталыҡ байрамы булды.

1 из 8

#киң мәғлүмәт саралары

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.