Среда, 29 Апреля 2026

Уфа

+12 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Мәҙәниәт

07:07 (UTC+5), 11 Декабря 2015

Өфөлә «Көмөш Аҡбуҙат» халыҡ-ара кино фестивале ҡыҙыл келәм һәм фейерверк менән асылды

Олег Яровиков

IMPORT Сервисный

ӨФӨ, 2015 йыл, 11 декабрь. /«Башинформ» мәғлүмәт агентлығы, Ләйлә Аралбаева/. Башҡортостандың баш ҡалаһы Өфөлә «Көмөш Аҡбуҙат» II Халыҡ-ара милли һәм этник кино фестивален асыу тантанаһы уҙҙы. Абруйлы ҡунаҡтар, 11 илдән һәм Рәсәй төбәктәренән килгән ҡатнашыусылар ҡыҙыл келәмдән үтте.

Быйыл кинофестиваль Евразия гуманистик форумы программаһына индерелгән. Унда ҡатнашыусылар һәм ҡунаҡтар сараның презентацияһына саҡырылды. Режиссер Ринат Шакирйәнов ижади төркөм менән бергә матур тамаша әҙерләгән. Ер шарында — сәхнәнең төп экранында — Шанхай хеҙмәттәшлек ойошмаһы илдәренең мәҙәни атрибуттары бер-береһен алмаштырҙы. Һәр дәүләтте — Ҡытай, Ҡырғыҙстан, Ҡаҙағстан, Һиндостан, Тажикстан, Үзбәкстан һәм Рәсәйҙе — бейеү аша таныштырҙылар.

Башҡортостан Хөкүмәте Премьер-министры урынбаҫары Салауат Сәғитов быйыл Аҡбуҙаттың ҡанаттары үҫеүен билдәләне. Вице-премьер фестивалде кинематографистарҙың билдәле кинохлопушкаһы менән асып ебәрҙе.

Тантананы популяр алып барыусы Фаягөл Дәүләтйәрова менән актер Анатолий Белый үткәрҙе. Тамашасылар конкурста ҡатнашыусы фильмдарҙан өҙөктәр ҡараны, башҡорт халҡының үҙенсәлекле мәҙәниәте менән танышты. Танылған ҡурайсы Роберт Юлдашев ҡурай һәм уның мөмкинлектәрен күрһәтте. Бер нисә көн элек донъя ҡуйған билдәле режиссер Эльдар Рязановты «Яҙмыш шаярыуы, йәки еңел пар менән!» фильмындағы шиғыр һәм бер минутлыҡ тынлыҡ менән иҫкә алдылар. 12 декабрҙә Конгресс-холда сараны ябыу тантанаһында фестиваль еңеүселәренә Гран-при һәм сценарист, режиссер, оператор эше өсөн приздар тапшырыласаҡ.

«Көмөш Аҡбуҙат» халыҡ-ара фестиваленең жюри рәйесе, режиссер, актер Ходжакули Нарлиев фестивалдә ҡатнашыусыларға, ойоштороусыларға һәм ҡунаҡтарға сәләмләү һүҙе менән мөрәжәғәт итте. «Тарихи герой Салауат Юлаевтың һәм бөтә донъяға билдәле, Көнсығыштың бөйөк улы Мостай Кәримдең тыуған еренә» килеүемә бик шатмын, тип билдәләне ул. Жюри рәйесе, актер, режиссер, драматург, продюсер Владимир Грамматиков милли һәм этник кино фестивале тематикаһының мөһимлеген һыҙыҡ өҫтөнә алды.

Фестивалде асыу тантанаһы Конгресс-холл алдындағы майҙанда байрам салюты менән тамамланды.

1 из 10

#кино фестивалдәре #көмөш аҡбуҙат

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.