Палдискиҙа башҡорт делегацияһы ҡала хакимиәте етәкселеге менән Салауат Юлаев музейының экспозицияһын яңыртыу мәсьәләһен тикшерә

IMPORT Сервисный

ӨФӨ, 2015 йыл, 10 декабрь. /«Башинформ» мәғлүмәт агентлығы, Эльмира Сабирова/. Эстонияла башҡорт делегацияһы Палдиски ҡалаһы хакимиәте етәкселеге менән Салауат Юлаев музейының экспозицияһын яңыртыу мәсьәләһен тикшерә. Бынан тыш, ҡала мэры Тийт Пеэду менән осрашыу барышында башҡорт халҡының милли батыры һәм уның атаһы Юлай Аҙналиндың һуңғы төйәгенән тупраҡ алып ҡайтыу мөмкинлеге ҡарала. Ул Салауат Юлаевтың тыуған ауылындағы «Таш тирмә» мемориаль комплексына ҡуйыласаҡ.

Палдиски үҙенең тарихи яҙмышы менән Башҡортостанға бәйле. Ҡала етәкселеге Эстлянд губернияһы Рогервик ҡәлғәһендә атаһы менән ғүмерлек һөргөндә ғазап сиккән Салауат Юлаев хаҡында хәтерҙе һаҡлай.

Әлеге сәфәр «Салауат Юлаевтың иҫтәлекле урындары буйлап» республика программаһына ярашлы ойошторолған. Башҡортостан делегацияһы составына Башҡортостан Милли музейының генераль директоры Ғәли Вәлиуллин, музейҙың рәссамы Анатолий Фадеев, Салауат районы Советы рәйесе, «Янғантау» шифаханаһы директоры урынбаҫары Ринат Әбдрәшитов һәм Салауат районы хакимиәте башлығы урынбаҫары Владислав Килдейәров ингән.

Эстониялағы коллегалар менән эшлекле осрашыуҙар барышында Башҡортостан менән Эстония араһында туризмды үҫтереү, уҡыусылар һәм йәштәр делегациялары менән алмашыу мәсьәләләре тикшереләсәк. Шулай уҡ Палдиски ҡалаһының рус гимназияһы уҡытыусылары һәм уҡыусылары, Салауат Юлаев исемендәге Палдиски клубы ағзалары менән осрашыу ҡаралған. Программа сиктәрендә Башҡортостан делегацияһының Рәсәйҙең Таллинн ҡалаһындағы вәкиллеге, Эстонияның Мәҙәниәт министрлығы вәкилдәре менән осрашыуы, «Ағиҙел» башҡорт мәҙәни ойошмаһы эшмәкәрлегенең 15 йыллығына арналған йыйылышта ҡатнашыуы планлаштырылған, тип хәбәр иттеләр Башҡортостандың ЮНЕСКО эштәре буйынса комитетының матбуғат хеҙмәтендә.

#юнеско #палдиски

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.