Актер Иван Колесников Өфөлә Сергей Довлатов йәшәгән йорттоң ихатаһында булды

Олег Яровиков

ӨФӨ, 2015 йыл, 24 ноябрь. /«Башинформ» мәғлүмәт агентлығы, Розалиә Вәлиева/. Сергей Довлатовтың «Компромисс» повесы һәм башҡа әҫәрҙәре буйынса төшөрөлгән «Конец прекрасной эпохи» фильмында төп ролде уйнаған актер Иван Колесников Өфөгә килде. Ул Гоголь һәм Коммунистик урамдары мөйөшөндәге йорттоң ихатаһын ҡараны. Буласаҡ яҙыусы ғүмеренең тәүге айҙарын шунда үткәргән.

«Бында килгәнгә тиклем Сергей Довлатовтың Өфөлә тыуғанлығын белмәнем, — тине актер. — Был минең өсөн көтөлмәгән хәл ине. Геройымдың тыуған йортон, ихатаһын күреү бик ҡыҙыҡлы булды. Өфө, айырыуса уның тарихи өлөшө миңә бик оҡшаны».

«Конец прекрасной эпохи» фильмын танылған режиссер Станислав Говорухин ҡуйған.

«Был фильм мөхәббәт һәм азатлыҡ хаҡында, — тип һөйләне Иван Колесников бөтә Рәсәй премьераһы алдынан биргән интервюһында. — Уның башы ла, аҙағы ла юҡ. Унда барыһы ла аңлашыла, сөнки шул ваҡыттан бирле бер нәмә лә үҙгәрмәгән — журналистар, яҙыусылар булған ҡағиҙәләр менән көрәшә. Довлатовты кәмһеткәндәр, бысраҡ яҡҡандар, ә ул алға барған. Был тормошҡа дөрөҫ ҡараш ул».

Актер әйтеүенсә, Сергей Довлатов образына айырым әҙерлек булмаған: «Говорухин минең йәш Довлатов ролен уйнамауымды, ә уның китабының геройы, журналист Андрей Лентулов образы өҫтөндә эшләүемде талап итте. Әлбиттә, яҙыусының әҫәрҙәрен дә уҡып сыҡтым», — тип һөйләне Иван Колесников «Башинформ» агентлығы хәбәрсеһенә.

Иван Колесников Өфөгә Рәсәй киноһы аҙналығы сиктәрендә килгән. Сараны Башҡортостандың Мәҙәниәт министрлығы ярҙамы менән «TV1000 Русское кино» телеканалы һәм «Дом.ru» телеком-операторы ойошторған.

1 из 7

#кино #сергей довлатов

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.