Өфөлә тренер Сергей Михалевтың портретына һәм Вәсил Ханнановтың «Көтөү» картинаһына граффити барлыҡҡа киләсәк

Ксения Калинина

IMPORT Сервисный

ӨФӨ, 2015 йыл, 13 ноябрь. /«Башинформ» мәғлүмәт агентлығы, Ксения Калинина/. Өфөлә тренер Сергей Михалевтың портретына һәм Вәсил Ханнановтың «Көтөү» картинаһына граффити барлыҡҡа киләсәк. Кисә Конгресс-холда түңәрәк өҫтәлдә ҡатнашыусылар баш ҡалала стрит-арт үҫешен, граффитиҙың үҙенсәлектәрен, яңы идеяларҙы һәм «Өфө төҫтәр гаммаһында» проектының артабанғы перспективаларын тикшерҙе. Сарала Өфө хакимиәте вәкилдәре, рәссамдар, юғары уҡыу йорттары студенттары һәм партнер компаниялар ҡатнашты.

«Киләһе йылдың йәйенә тиклем ҡалабыҙҙа 14-20 фасадты биҙәү планлаштырыла. Ҡала хакимиәте һайлап алыу ойоштора һәм йорт хужаларына, рәссамдарға, партнерҙарға граффити эскиздарын күрһәтеп, килешеү төҙөй. Уларҙың тематикаһы төрлө – мәҙәниәт, сәнғәт, тарих, ғаилә, бала саҡ, илһөйәрлек, спорт, тәбиғәт, кешелек ҡиммәттәре, – тип һөйләне «Өфө төҫтәр гаммаһында» проектының продюсеры Гөлшат Булгакова. – Тренер Сергей Михалевтың портретына, Вәсил Ханнановтың «Көтөү» картинаһына, музыкаль ресторандың электр гитараһына граффити эскиздары әҙер ҙә инде».

Хәҙер Өфөлә граффити стилендә эшләнгән 30-ҙан ашыу ҙур һәм шунса уҡ бәләкәй арт-объекттар иҫәпләнә. Уларҙың күбеһе — Октябрь һәм Дим райондарында. Мәҫәлән, Советтар Союзы маршалы Георгий Жуковтың портреты илдә иң ҙуры тип танылған. Ҡала халҡы һәм баш ҡала ҡунаҡтарында Юрий Гагарин, Муса Гәрәев һәм сабыйын күтәргән әсәнең портреттары бик популяр.

1 из 10

#ҡала мөхите #граффити #төҙөкләндереү #проекттар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.